पाेखरा,चैैत २४ गते ।एलिट भलिबल एकेडेमी पोखराको आयोजनामा “प्रथम एलिट भलिबल कप–२०८१” चैत २९ देखि वैशाख १ गतेसम्म हुने भएकाे छ ।
पोखरा–३, नदिपुरस्थित एकेडेमीको खेलमैदानमा हुने प्रतियोगितामा पुरुष र महिला दुवै समूहमा प्रतिस्पर्धा हुनेछ।
प्रतियोगितामा उत्कृष्ट खेलाडीहरूलाई नगदसहित ट्रफी प्रदान गरिनेछ।
पुरुषतर्फ सर्वोत्कृष्ट खेलाडीले रु. ५ हजार, र अन्य विधाका उत्कृष्ट स्पाइकर, सर्भर, सेटर, ब्लकर तथा डिफेन्डरले रु. २ हजार नगद पाउनेछन्। महिलातर्फ उत्कृष्ट खेलाडीलाई रु. ३ हजार र अन्य विधाका खेलाडीले रु. १,५०० नगद पुरस्कार प्राप्त गर्नेछन्।
खेल संयोजक रोकाले भने, “हामीले कक्षा ६, ७ पढ्ने बालबालिकालाई लक्षित गर्दै ग्रासरुट स्तरबाट नै खेलाडी तयार गर्दैछौं। यसै कारण एकेडेमीको नाम ‘एलिट’ राखिएको हो।”
यस प्रतियोगितामा अधिकतम दुई जना राष्ट्रिय वा अन्तर्राष्ट्रिय खेलाडी सम्मिलित टिम दर्ता गराउन पाउनेछन्। पुरुष समूहको दर्ता शुल्क ६ हजार ५ सय र महिला समूहको ३ हजार ५ सय रुपैयाँ तोकिएको छ।