पोखरा, साउन २८ गते । अन्तर्राष्ट्रिय युवा दिवसको अवसरमा नेकपा (एमाले)कास्कीले विभिन्न क्षेत्रमा अब्बल ६ जना युवालाई सम्मान गरेको छ ।
एमाले कास्कीले गरेकाे अघि बढछ युवा कार्यक्रममा सोमबार गायन, स्वास्थ्य, शिक्षा, खेलकुद र कानुन क्षेत्रका गरेर ६ जनालाई दोसल्ला र सम्मान पत्रसहित सम्मान गरिएकाे हाे ।
सम्मानित हुनेमा नेपाल आइडलका विजेता करण परियार, फस्र्ट रनरअप सलोमी गुरूङ, राष्ट्रिय भलिबल टोलीकी कप्तान अरूणा शाही, डाक्टर विकास गौचन, प्राध्यापक शुष्मा रञ्जित र अधिवक्ता कुञ्जनी परियार प्यासी छन् । सम्मानित भएका करण बर्दियाका हुन् भने बाँकी पाँच जना कास्कीसहित गण्डकी प्रदेशको भूगोलमै जन्मे–हुर्केका हुन् ।
सम्मानित सबैलाई नेकपा एमाले गण्डकी प्रदेश इन्चार्ज किरण गुरुङ, गण्डकी प्रदेशका पूर्वमुख्यमन्त्री खगराज अधिकारी, एमाले केन्द्रीय सदस्य कृष्णबहादुर थापा, एमाले केन्द्रीय सदस्य एंव पाेखरा महानगरका कार्यबाहक प्रमुख मञ्जुदेवी गुरुङ, गण्डकी प्रदेशसभा सदस्य बेदबहादुर गुरुङ, एमाले कास्कीका अध्यक्ष बैनबहादुर अधिकारी क्षेत्री, रुपा गाउँपालिका अध्यक्ष नवराज ओझा, मादी गाउँपालिका उपाध्यक्ष शर्मिला गुरुङ लगायतले सम्मान गरेका थिए ।