पोखरा । प्रधानमन्त्री केपी शर्मा ओलीले कास्कीस्थित पोखरा स्वास्थ्य विज्ञान प्रतिष्ठानको प्राज्ञिक तथा आकस्मिक भवनको उद्घाटन गर्नुभएको छ ।
प्रतिष्ठानको प्रथम दीक्षान्त समारोहमा सहभागी प्रधानमन्त्री ओली आज पोखरा आउनुभएको हो । पोखरा आउनुभएका ओलीलाई पोखरा विमानस्थलमा गण्डकी प्रदेशका प्रदेश प्रमुख, मुख्यमन्त्री , गण्डकी प्रदेशका मन्त्रीहरु, प्रमुख जिल्ला अधिकारी लगायत सरकारी अधिकारीहरुले पोखरा विमानस्थल स्वागत गरेका थिए ।
ओलीको स्वागतमा विमानस्थलमा एमाले नेता तथा कार्यकर्ताको बाक्लो उपस्थिति रहेको थियो । उनीहरुले प्रधानमन्त्री ओलीको पक्षमा नाराबाजी समेत गरेका थिए । आइ लभ यू ओली बा, आजलाई हैन भोलीलाई दश वर्ष ओलीलाई जस्ता नारा ल गाएका थिए ।
पोखरा स्वास्थ्य विज्ञान प्रतिष्ठानमा १७ करोडको लागतमा बनेका भवनको ओली उद्घाटन गरेका छन् । त्यसपछि ओली स्वास्थ्य विज्ञान प्रतिष्ठानको सभा र दीक्षान्तमा सहभागी हुने र आजै तीन बजे काठमाडौँ फर्कने बताइएको छ ।
