म्याग्दी, साउन २६ गते । म्याग्दीको सदरमुकाम बेनी बजारको न्यूरोडमा गए राती (मंगलबार विहान साढे दुई बजेतिर) आगलागी भएको छ । बेनी नगरपालिका ८ स्थित न्यूरोडको छाप्रामा रहेका डेरी पसल र किराना पसलमा आगलागी भएको हो ।
आगलागीबाट लाखौं मुल्य बराबरका सामान जलेर नष्ट भएका छन् । स्थानीय जीवनबहादुर विश्वकर्माको एकतलाको छाप्रोमा रहेको रघुगंगा डेरी र नतिजा किराना स्टोर्समा आगलागी भएको प्रहरीले जनाएको छ ।आगलागीबाट दुवै पसलमा रहेका सामानहरु जलेर नष्ट भएका छन् । सुरुमा डेरी पसलबाट सल्केको आगलागी संगै जोडिएको नतिजा स्टोर्समा पुगेको थियो । यहाँ रहेका खाद्यन्नको गोदाममा ठूलो क्षति पुगेको छ ।
आगलागी भए लगत्तै प्रहरीले दमकलको साहयतामा आगलागी नियन्त्रणको प्रयास गरेको थियो । आगलागी भएको दुई घण्टामा आगलागी नियन्त्रणमा आएको प्रहरीले जनाएको छ । आगलागीबाट लाखौं बराबरको क्षति भएको अनुमान गरिएको छ । आगलागीबाट लाखौँ मूल्यको सामान जलेर नष्ट भएको नतिजा स्टोर्सका प्रोपाइटर जगननाथ शर्माले बताउनुभयो । आगलागी हुँदा ग्यास शिलिण्डर पड्किएर ठूलो आवाज आएको थियो । शर्माले दिएको जानकारी अनुसार सुरुमा डेरी पसलमा आगलागी भएको थियो ।नेपाल प्रहरी, शसस्त्र प्रहरी र नेपाली सेनाको टोली स्थानीयको सहयोगमा आगलागी नियन्त्रणमा लिइएको छ ।