पोखरा, फागुन २३ गते । प्रमुख प्रतिपक्ष दल नेकपा (एमाले)का अध्यक्ष केपी शर्मा ओलीले गठन्धनका दलहरु निर्वाचनमा जान डराएको आरोप लगाउनु भएको छ । अदातबाट मुद्धा जितेर सरकार पाउने भएपछि निर्वाचन उनीहलाई किन चाहियो भन्दै भन्नुभयो, मुद्धाबाट सरकार बनाउने कुरा गलत हो । यस्ता कुरामा आवाज उठाउनुपर्नेमा समेत जोड दिनुभएको छ ।
अध्यक्ष ओलीले देश भित्र र बाहिरका प्रतिक्रियावादी शक्तिहरु मिलेर आफू नेतृत्वको सरकारलाई हटाएको बताउनुभयो ।एमाले नेतृत्वको सरकार ढलाउन संसार भरका स्यालहरु एक भएको भन्दै उनीहरुविरुद्ध प्रतिवाद गरेर अघि बढन पनि पार्टीका नेता, कार्यकर्तालाई निर्देशन दिनुभयो ।
पार्टी निकट मानव अधिकारवादीहरुको संगठन मानव अधिकार एलाईन्सको पाँचौ राष्ट्रिय महाधिवेशनलाई सोमबार पोखरामा उद्घाटन गर्दै उहाँले एमाले नेतृत्वको सरकारले राम्रो काम गर्दागर्दै प्रतिक्रियावादीहरु मिलेर ढालिदिएको बताउनुभयो ।
अध्यक्ष ओलीले नेकपा (एकीकृत समाजवादी)का अध्यक्ष माधव नेपाललाई ‘हाडीघोप्टे’को संज्ञा दिनुभयो । मानव अधिकारको रक्षामा आफ्नो पार्टी विश्वभरीकै अवधारणाभन्दा अगाडि रहेको उहाँको दावी थियो ।