पोखरा, असार २ गते । पोखरामा खोलामा डुुबेर बालकको मृत्यु भएको छ । महानगरपालिका वडा नं.३३ बरपौवा बस्ने ९ वर्षिय गणेश बि.कको मृत्यु भएको हो ।
. बि.क हराएको भन्ने सूचना प्राप्त हुनासाथ प्रहरी चौकी भरतपोखरीबाट खटिएको प्रहरी टोलिले खोजतलास गर्दै जाँदा सोही स्थानको कदम बोटे सुरौती खोला पुरलिङ जोड्ने निर्माणधिन पुल बनाउन जग खनेको खाल्डोमा पानी जमेको र उक्त खाल्डोमा बालकले लगाएको चप्पल मात्र फेला परेको थियो ।
कालिका गण मालेपाटनबाट उद्दार टोली खटिई गई खोजतलास गर्दा पुलको जग बनाउन खनेको खोल्डोमा बालक मृत अवस्थामा फेला परेको प्रहरीले जनाएको छ । उक्त शव पोष्ट माटमका लागि पश्चिम क्षेत्रीय अस्पताल पठाएको प्रहरीले जनाएको छ ।