पोखरा,भदौ २६ गते । पोखरामा श्रीमानले आफनै श्रीमतिलाई खुुकुरी प्रहार गरी हत्या गरेका छन् । जिल्ला प्रहरी कार्यालय कास्कीका अनुसार आज मध्यान्ह १२ बजे श्रीमतीलाई खुकुरी प्रहार गरी हत्या गरिएको हो । कास्की अन्नपुर्ण गाउँपालिका वडा नं.१ नौडाँडा घर भई हाल पोखरा महानगरपालिका वडा नं.८ कुँवर टोल स्थित डेरा गरी बस्ने अन्दाजी वर्ष ४२ को जहरसिंह कुँवरले आफ्नै श्रीमती बर्ष ४० की राधिका कुँवरलाई खुुकुरी प्रहार गरी हत्या गरेको प्रहरीले जनाएको छ ।
प्रहरीका अनुुसार सामान्य विवादको कारण घाँटीमा र पेटमा धारिलो हतियार (खुकुरी) प्रहार गर्दा घाईते भई उपचारको लागि पश्चिम क्षेत्रीय अस्पताल पठाएकोमा चिकित्सकले चेकजाँच गर्दा १२ बजेर ४४ मिनेटमा मृत घोषणा गरेको हो । घटनास्थलमा वडा प्रहरी कार्यालय बैदामबाट गएको प्रहरी टोलीले जहरसिंह कुवरलाई खुकुरी सहित नियन्त्रणमा लिई थप अनुसन्धान कार्य भई रहेको प्रहरीले जनाएको छ ।