पोखरा, मंसिर ३ गते । गण्डकी प्रदेशमा बुधबार ५१ जनामा कोरोना संक्रमण पुष्टि भएको छ । स्वास्थ्य निर्देशनालय गण्डकीले जारी गरेका पाँच विज्ञप्ति जारी गदै नयाँ संक्रमितको संख्या सार्वजनीक गरेको हो । थपिएका ५१ जनामा पोखराका २९ जना रहेका छन् ।
यसैवीच गण्डकी प्रदेशमा कोरोना संक्रमणबाट तीन जनाको मृत्यु भएको छ । पोखरामा दुई र स्याङ्जाका एक संक्रमितको पोखरामा उपचारका क्रममा मृत्यु भएको प्रदेश स्वास्थ्य निर्देशनालयले जनाएको छ ।
पोखरा–१७ का ७८ वर्षीया संक्रमित महिलाको मंसिर २ गते मणिपाल अस्पतालमा उपचारका क्रममा मृत्यु भएको छ । यसैगरी पोखरा वडा नं ३ का ८३ वर्षीय पुरुषको हिजो साँझ ७ बजे मणिपाल अस्पतालमा निधन भएको निर्देशनालयले जनाएको छ ।
त्यस्तै स्याङ्जाको पुतलीबजार नगरपालिका–१३ का ४६ वर्षीय पुरुषको आज विहान १ बजे पोखरा स्वास्थ्य विज्ञान प्रतिष्ठानमा उपचारका क्रममा मृत्यु भएको जनाइएको छ । कात्तिक २५ गते कोरोना संक्रमण पुष्टि भएको थियो । गण्डकी प्रदेशमा संक्रमणबाट मृत्यु हुनेको संख्या १२७ पुगेको छ ।