पोखरा, माघ ३० गते । मातृसेवा प्रतिष्ठान नेपालले कास्कीका ७२ वडामा छात्रवृत्ति रकम वितरण गर्ने भएको छ ।पाल्पाली समाज पोखराको व्यवस्थापनमा जिल्लाका ५ पालिकाका ७२ वडामा गरी ३९ लाख रुपैयाँ बराबरको ‘कर्मभूमि छात्रवृत्ति’ वितरण गरिने भएको हो ।
प्रतिष्ठान अध्यक्ष हरिप्रसाद पाण्डेले आफ्नो कर्म जिल्ला कास्कीको पोखरा महानगरपालिकासहित माछापुच्छे«, अन्नपूर्ण, मादी र रुपा गाउँपालिकाका सबै वडा समेट्ने गरी प्राविधिक विषय पढ्ने प्रतिविद्यार्थी ५० हजार रुपैयाँको छात्रवृत्ति वितरण गर्न लागेको जानकारी दिए । उनका अनुसार यसरी ७२ वडामा ५० हजार दरले ३६ लाख र बाँकी ३ लाख जिल्लाका दलित विद्यार्थीका लागि छात्रवृत्ति स्वरुप उपलब्ध गराइने छ । पूर्व मन्त्री समेत रहेका उद्योगपति पाण्डेले यसअघि पनि विभिन्न नाममा निरन्तर छात्रवृत्ति रकम उपलब्ध गराउँदै आएका छन् ।
यसैबीच, छात्रवृत्ति वितरण पारदर्शी बनाउन पाल्पाली समाज पोखराले पालिकाका प्रमुखहरुसँग छलफल गरी सुझाव संकलन गरेको छ । समाजको प्रतिनिधिमण्डले पोखराका मेयर मानबहादुर जिसी, माछापुच्छे« गाउँपालिका अध्यक्ष कर्णबहादुर गुरुङ, अन्नपूर्णका युवराज कुँवर, मादीका वेदबहादुर गुरुङ श्याम र रुपाका नवराज ओझासँग भेट गरी छात्रवृत्तिबारे जानकारी गराउँदै आवश्यक सुझाव संकलन गरेको हो । छलफलमा पालिका प्रमुखहरुले अन्य समाजको तुलनामा पाल्पाली समाज पोखराले रचनात्मक कार्य गर्दै आएकोमा प्रशंसा गर्दै छात्रवृत्ति कार्यक्रम कास्कीमा ल्याएकोमा खुसी व्यक्त गरे ।
समाजका अध्यक्ष कुलप्रसाद घिमिरे नेतृत्वको टोलीले उनीहरुलाई फरक–फरक समयमा सामूहिक एवं छुट्टाछुट्टै भेट गरेको हो । समाजको कार्यालय पोखरा नयाँबजारमा माछापुच्छे«, अन्नपूर्ण र मादीका गाउँपालिका अध्यक्षको स्वागत गरिनुको साथै छात्रवृत्तिबारे जानकारीसहित फर्म हस्तान्तरण गरिएको थियो ।त्यस्तै, पोखराका मेयर मानबहादुर जिसीलाई शुक्रबार कार्यकक्षमै भेट गरेको हो भने अन्नपूर्ण र मादी गाउँपालिकाको कार्यपालिकाका सबै सदस्यसँग गाउँपालिकामै पुगेर अन्तक्र्रिया गरिसकेको छ ।
पोखराका मेयर जिसीले पाल्पाली समाजले लेकसाइडमा डिटिजल बोर्ड राख्नेदेखि लिएर विविध कार्यक्रम गरेकोमा प्रशंसा गरे । उनले पोखराका सबै वडामा छात्रवृत्ति वितरण गर्ने कार्यमा आफूहरुले पूर्ण रुपमा सहकार्य गर्ने वचन दिए ।अन्नपूर्ण र मादीमा भएको अन्तक्र्रियामा समाजका तर्फबाट अध्यक्ष कुलप्रसाद घिमिरे, सल्लाहकार खेम सारु, महासचिव श्रीधर पराजुली र कोषाध्यक्ष सञ्जय आत्रे सहभागी थिए ।कार्यक्रममा अन्नपूर्णका अध्यक्ष कुँवरले पाल्पाली समाजको समन्वयमा पाल्पाका पालिकाहरुसँग पनि पर्यटन क्षेत्रमा सहकार्य गर्ने बताए ।त्यसअघि समाजको कार्यालयमा भएको कार्यक्रममा मादीका अध्यक्ष श्याम, माछापुच्छ«ेका अध्यक्ष गुरुङ र रुपाका अध्यक्ष ओझाले छात्रवृत्ति रकमले गरिब तथा विपन्न वर्गका विद्यार्थीको सपना साकार बन्ने बताएका थिए ।