मानवअधिकारको विषय संवेदनशील र गम्भीर :मन्त्री थापा

मानव अधिकारको विषय पत्रकारिताका लागि ज्यादै संवेदनशील र गम्भीर भएको उल्लेख गर्दै मन्त्री थापाले समाचार संकलन तथा सम्प्रेषण, प्रस्तुति र प्रभावमा बिशेष ध्यान दिनुपर्ने आवश्यकतालाई औंल्याउनुभयो । मानव अधिकार उल्लंघनको घटनाको ठुलो समाचार बनेपनि संरक्षण भएको विषयको भने सानो समाचार बन्ने गरेको भनाई मन्त्रीको थापाको छ ।

‘पत्रकारको काम जनतालाई सुसूचित मात्र होइन मानवअधिकारको वकालत गर्नु पनि हो’, उहाँले भन्नुभयो,  ‘सरकारका राम्रा पक्षका बारेमा पनि जनतालाई सुसूचित गराउन मिडियाले महत्वपूर्ण भूमिका खेल्नुपर्ने आवश्यकता छ ।’
मानव अधिकार सम्बन्धि सैद्धान्तिक ज्ञानको अभावमा निष्पक्ष समाचार सम्प्रेषण गर्न नसकिने मन्त्री थापाले बताउनुभयो । प्रदेशको आम सञ्चार विद्ययक सञ्चारमैत्री बनाइने मन्त्री थापाले बताउनुभयो  । सञ्चार विद्ययक विधायन समितिमा भएकाले सबैको सल्लाहमा नेपालकै उत्कृष्ट बनाइने भनाई उहाँको छ ।