हरिसिद्धि ब्याडमिनटन क्लबको आयोजनामा हरिसिद्धि खुल्ला ब्याडमिन्टनन प्रतियोगिता २०७८ बिहिबारबाट सुरु भएको छ । प्रतियोगिताको संघिय साँसद राजकाजी महर्जनले उद्घाटन गरेका थिए ।प्रतियोगिताको पहिलो दिन आयोजक क्लबका रदिप महर्जन र बिकास महर्जनको जोडीले पुरुष युगल तर्फ बिजयी सुरुवात गरेका छन् । महर्जन जोडीले ईरा ब्याडमिन्टन क्लबका अनमोल के.सी. र विपिन श्रेष्ठको जोडीलाई २१–२, २१–६ ले पराजित गर्दै दोश्रो चरण प्रवेश गरेका हुन् । यस्तै बालकुमारी रिमिक्सका दिप्रिस मुनी बज्राचार्य र सुमन शाक्यको जोडीले पनि जित हात पारे ।
उक्त जोडीले कास्कीका बिशेष बस्नेत र यासिक्सन गुरुङ्गलाई २१–१२, २१–१३ को सहज जित निकाल्दै दोश्रो चरणमा प्रवेश गरेका छन् ।आयोजकको आफ्नै कभर्डहलमा भएको प्रतियोगितामा एपिएफका पेम्बा शेर्पा र चितवनका राजू थापाको जोडीले पनि जित निकाल्दै दोश्रो चरणमा स्थान बनाए । उक्त जोडीले वाईसिबिसीका अशिम गुरुङ्ग र नेल्सन राईको जोडीलाई २१–६, २१–११ ले हराए ।
दोश्रो चरण प्रवेश गर्ने क्रममा टु स्टार ब्याडमिन्टन क्लबका सुनिल कपाली र नगेन्द्र महर्जनको जोडीले डेभिड महर्जन र दिनेश महर्जनको जोडीलाई १३–२१, २१–१३, २१–१६, भक्तपुरका ध्रुव पाठक र यशराज राईको जोडीले हरिसिद्धि ब्याडमिन्टन क्लबका विक्रम महर्जन र धर्म महर्जनको जोडीलाई २१–१२, २३–२१ ले, राम प्रसाद चौधरी र धिरेन्द्र पटेलको जोडीले भानुदय ब्याडमिन्टन क्लबका अजय महर्जन र साजन मजर्हनको जोडीलाई १९–२१, २१–९, २१–१३ ले, साईनोका अभिषेक बोस र सुजन थापाको जोडीले श्रीकृष्ण ब्याडमिन्टन क्लबका पूर्ण बास्तोला र सुजन तोलाङ्गेको जोडीलाई २१–५, २१–६, बालकुमारी रिमिक्स क्लबका ज्ञान कुमार र राकेश शाक्यको जोडीले आयोजकका संजीप महर्जन र सोहन महर्जनको जोडीलाई २१–९, २१–९, दीपक ब्याडमिन्टन एकेडेमीका सुपाल बादे र राम मगरको जोडीले महाङ्काल ब्याडमिन्टन क्लबका अविक श्रेष्ठ र विकास तामाङ्गको जोडीलाई २१–१३, २१–१०, ठेचो ब्याडमिन्टन क्लबका आरसी बिष्ट र सुरज श्रेष्ठको जोडीले आयोजकका पुष्पेन्द्र महर्जन र तुलसी महर्जनको जोडीलाई १४–२१, २१–१९, २१–१४, आईबिएससीका मदन डङ्गोल र सुदीप श्रेष्ठको जोडीले लगनखेल ब्याडमिन्टन क्लबका राजेश बज्राचार्य र पुर्ण भक्त चित्रकारको जोडीलाई १८–२१, २१–१४, २१–१९, लुभुका सुरेश कोईराला र सुरोजदीप सिंहको जोडीले किसीपिडी ब्याडमिन्टन क्लबका प्रमोद महर्जन र सुमन महर्जनको जोडीबाट वाक ओभर, बालकुमारी रिमिक्सका आर्यन महर्जन र एलिश थापाको जोडीले आयोजकका सन्नी कुमार र बासुराम महर्जनको जोडीलाई २१–११, २३–२१, लुभुका बिमल ढुङ्गेल र राम तामाङ्गको जोडीले टु स्टार ब्याडमिन्टन क्लबका बुद्धि महर्जन र मनोज महर्जनको जोडीलाई २१–१७, १७–२१, २१–१५, आयोजक हरिसिद्धिका राजेन्द्र महर्जन र श्याम महर्जनको जोडीले लाकुरे ब्याडमिन्टन क्लबका राजु थापा मगर र कृष्ण श्रेष्ठको जोडीलाई २१–७, २१–१५, पिबिसीका उज्जवल दाहाल र श्रीजन ताम्राकारको जोडीले श्रीकृष्ण ब्याडमिन्टन क्लबका चन्द्र बस्नेत र नविन महर्जनको जोडीलाई २१–१३, २१–९, फ्रेन्डली ब्याडमिन्टन क्लबका योगेश खड्का र रमेश ठकुरीको जोडीले आयोजकका हरेराम महर्जन र ओम हरि महर्जनको जोडीलाई २१–११, २१–९ ले पराजित गरे ।
चारदिन सम्म संचालन हुने प्रतियोगिताको दोश्रो चरण प्रवेश गर्ने क्रममा १६ फिदरका क्षितीज खनाल र अमन महर्जनको जोडीले पनि जित निकाले । उक्त जोडीले बालकुमारी रिमिक्सका दउथ राई र दिपेश शाक्यको जोडीलाई २१–११, २१–११ले पराजित गरे । यस्तै आयोजकका निखिल भट्ट र बिवेक चौधरीको जोडीले भानुदय ब्याडमिन्टन क्लबका आशिष महर्जन र आयुव महर्जनको जोडीलाई २१–१२, २१–७ ले, टिकाभैरवका रामसरण महत र श्याम कृष्ण थापाको जोडीले टिकेश्वर ब्याडमिन्टन क्लबका धक अधिकारी र देवान खालिङ्गको जोडीबाट वाक ओभर, थेचो ब्याडमिन्टन क्लबका ईन्द्र कार्की र कृष्ण कुँवर ठकुरीको जोडीले आयोजकका हरि महर्जन र सन्तोष महर्जनको जोडीलाई २१–१७, २१–८ तथा बालकुमारी रिमिक्स क्लबका डि महर्जन र बि. श्रेष्ठको जोडीले टु स्टार ब्याडमिन्टन क्लबका सविन महर्जन र सुमन पोखरेलको जोडीलाई २१–१२, २१–८ ले पराजित गर्दै दोश्रो चरणमा स्थान पक्का गरे ।
प्रयिोगितामा यु १९ पुरुष तथा महिला एकल खुल्ला, पुरुष युगल र भेट्रान ४५ माथी गर चार विधामा प्रतिस्पर्धा हुने छ । यु १९ पुरुष एकल तर्फ ५० खेलाडी, महिला एकल तर्फ १३, पुरुष युगलमा ५५ जोडी र भेट्रान ४५ बर्ष माथी २१ जोडीले प्रतिस्पर्धा गर्ने छन् ।१५ लाख अनुमानित लागत रहेको प्रतियोगितामा यु १० पुरुष तथा महिला तर्फ उत्कृष्ट तीन स्थान हात पार्ने खेलाडीहरुले नगद १५ हजार, १० हजार र ५ हजार, पुरुष युगल तर्फ ५० हजार २५ हजार र १० हजार तथा भेट्रान तर्फ ३० हजार, १५ हजार र ७ हजार ५ सय सहित मेडल टफी र प्रमाण पत्र प्राप्त गर्ने आयोजकले जनाएका छन् ।