पोखरा, फागुन १२ गते ।नेपाल खेलकुद महासंघका केन्द्रीय सदस्य एवं एमाले जिल्ला कमिटी सदस्य विष्णु पुनलाई पितृ शोक परेको छ । उहाँका पिताको बुधबार साँझ असामयीक निधन भएको हो ।
पुनलाई पितृ शोक परेपछि पूर्वनिर्धारित नेपाल खेलकुद महासंघ गण्डकी प्रदेशको अधिवेशन स्थागित भएको छ । नेपाल खेलकुद महासंघ गण्डकी प्रदेशका संयोजक विष्णु पुनलाई पितृ शोक परेपछि फागुन १९ गते पोखरामा तय भएको प्रथम अधिवेशन स्थगित भएको हो । पुन एमाले कास्कीका सदस्य, सुर्य तारा क्लब गण्डकी अध्यक्ष समेत रहेका छन् ।
यसैवीच खेलकुद महासंघ गण्डकी प्रदेशले एक विज्ञप्ति प्रकाशित गदै बुबाप्रति हार्दिक श्रद्धाञ्जली ब्यक्त गदै शोकसन्तप्त परिवारमा समवेदना ब्यक्त गरेको छ । महासंघका कार्यालय सचिव दिपेन्द्र पौडेलले विज्ञप्ती जारी गदै प्रदेश अधिवेशन अर्को सुचना जारी नभएसम्मका लागि स्थगित भएको जनाएको छ ।