नेपाल कम्युनिष्ट पार्टी (एमाले) पोखरा-२, टोल कमिटी गठन अन्तर्गत वरपाटन जयमूल टोल कमिटी महेश्वरी पराजुलीको नेतृत्वमा गठन भएको छ ।
जसमा उपाध्यक्ष विष्णुप्रसाद सुवेदी, सचिव शान्ती अधिकारी, उप-सचिव गायत्री अधिकारी र मना क्षेत्री संगै ३५ सदस्यीय निर्वाचित कमिटी गठन गरेको छ । कार्यक्रममा स्वागत मन्तव्य सिता बस्तोलाले राख्नुभएको थियो भने वडा कमिटीका अध्यक्ष दिपक शाहको अध्यक्षतामा संचालन भएको थियो ।
जसमा प्रमुख अतिथि नेकपा(एमाले) प्रदेश सदस्य शुशिला पराजुलीको आतिथ्यमा टोल कमिटीले गर्नु पर्ने भूमिका र महिलाले सामाजिक नेतृत्वको बारेमा प्रकास पार्नुभएको थियो । जसमा माया सुवेदी, सरिता सुवेदी, हुमा क्षेत्री र विनोद पराजुलीले आ-आफ्नो धारणा राख्नु भएको थियो ।
कार्यक्रम संचालन वडा सचिव जनार्दन सुवेदीले गर्नुभएको थियो । यहि फाल्गुण ०७ गते टिका आचार्य सुवेदीको नेतृत्वमा २१ सदस्यीय मिरुवा टोल कमिटी गठन गरेको थियो ।