पोखरा फागुन १७ गते । आन्तरीक तथा बाह्य पर्यटकलाई आकर्षण गर्न फेवाताल किनारमा योग पार्क निर्माण गरिएको छ । वडा नम्वर ६ गौरीघाटमा निर्माण गरिएको धार्मिक योग पार्कको मगलबा पोखरा महानगरपालिका उपप्रमुख मञ्जुदेवी गुरुङले उद्घाटन गर्नुभयो ।
पोखरा महानगरपालिका र स्थानियहरुको सहयोगमा पार्क निर्माण गरिएको हो । महाशिबरात्री पर्वको अबसर पारेर पार्कसगै रहेको सर्वेश्वर शिव मन्दिरको समेत जिणोद्धार गरिएको छ । धार्मिक पर्यटन प्रवद्र्धन गर्ने उद्देश्यले पार्क निर्माण गरिएको बताइएको छ ।
उद्घाटनपछि सम्वोधन गर्दै उपमेयर गुरुङले महानगरपालिका क्षेत्रभित्र रहेका धार्मिक तथा पर्यटकीय पार्क तथा बहुउद्देश्यीय उद्यान निर्माणका लागि सहयोग गर्दै आएको जानकारी दिनुभयो । धार्मिक पार्क पनि त्यहीमध्येको एक हो,’ ग्ुरुङले भन्नुभयो ‘पोखरा महानगरपालिकाको नीति तथा कार्यक्रम बमोजिम धार्मिक तथा पर्यटकीय पार्क तथा बहुदेश्यीय उद्यान निर्माणका लागि आर्थिक सहयोग गर्दै आएका छौँ । आज पोखरा महानगरपालिकाको आर्थिक सहयोगमा यो पार्क निर्माणपछि उदघाटन गर्ने चरणमा पुग्दा खुशी लागेको छ ।’
उप.प्रमुख गुरुङले कोही एक्लै अघि बढ्न नसक्ने भन्दै सबैको सहकार्यमा मात्रै पोखरा उपत्यका र समग्र देशको विकास गर्न सकिने सन्देश दिन यस्तो कार्यक्रम अघि बढाएको पनि बताउनुभयो । पार्क स्थापना गर्ने र आन्तरिक र वाह्र पर्यटन प्रर्वद्ध गर्ने उदेश्यले धार्मिक पार्क र योग पार्कहरु बन्दै जानु पर्ने कुरामा उहाँले जोड दिनुभयो ।
पोखरा महानगर पालिका वडा न– ६का वडा अध्यक्ष जगतबहादुर पहारीले सांस्कृति सम्पदा संरक्षण र धार्मिक तथा पर्यटकीय पार्क निर्माणका लागि सहयोग गर्दै आएको बताउनुभयो । पोखरा महानगर पालिकाको वडा नम्बर–६ मा निर्माणधिन धार्मिक योग पार्क निर्माणका लागि पनि वडा कार्यालयले सहयोग गरेको छ,’ उहाँले भन्नुभयो, ‘यो सहयोगबाट यस्तो सुन्दर पार्क बन्दा खुशी लागेको छ ।’
पार्क निर्माणका परियोजनाकार अनिल थापाले पोखरा महानगर पालिका बाट ६ लाख ७४ हजार र स्थानियहरुबाट चन्दा स्वरुप प्राप्त भएको ६ लाख २७ हजार २ सय २ रुपैया समेत गरि जम्मा १३ लाख १ हजार २ सय २ रुपैयामा पार्क निर्माण सम्पन भएको जानकारी गराउनुभयो ।निर्माण समितिका अध्यक्ष लभ भुजेलले महानगरपालिका सगँ संस्कृति, सम्पदा संरक्षणमा हातेमालो गर्दै अघि बढेकोले पार्क निर्माण सम्पन्न गर्ने सफल भएको बताउनुभयो ।
लभ भुजेलको अध्यक्षतामा भएको कार्यक्रममा पोखरा विश्वविद्यलयका प्रोफेसर दिपेन्द्र पहारी , डा. डार्विन लामिछाने र पन्डित गुरुदत्त पहारी लगाएतकाले आफ्न भनाई राखेका थिए । कार्यक्रममा पार्क निर्माण र सर्वेश्वर शिव मन्दिरको जिणोद्धार मा सहयोग गर्नु हुने सहयोगदातालाई सम्मान पत्र सहित दोसल्लाले सम्मान गरिएको थियो ।