पोखरा, फागुन २४ गते । सामाजिक न्याय र लैंगिक समानता र दिगो विकासको सुनिश्चितता नाराका साथ आज ११२औँ अन्तर्राष्ट्रिय महिला दिवस मनाइँदैछ ।
विश्व महिला आन्दोलनले हालसम्म प्राप्त गरेका उपलब्धीहरूलाई संस्थागत गर्दै लैंगिक समानता हासिल गर्ने उद्देश्यसहित हरेक वर्ष ८ मार्चलाई अन्तर्राष्ट्रिय महिला दिवसका रूपमा मनाइन्छ । यो दिवस सर्वप्रथम १९०९ फेबु्रअरी २८ मा मनाइएको थियो । मार्च ८ मा नारी दिवस अर्थात् अन्तर्राष्ट्रिय श्रमिक महिला दिवस नेपालसहित विश्वभर मनाइने गरिन्छ ।
नारी मुक्ति आन्दोलनकी अभियन्ता क्लारा जेट्किनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर महिला दिवस मनाउन थालिएको हो । यसैवीच दिवसकै अवसरमा पोखरामा पनि विभिन्न सघसंस्थाले कार्यक्रम गरी मनाउदैछन् । पोखरा महानगरपालिका सामाजिक विकास महाशाखाको आयोजनामा महिला र्यालीको आयोजना गरिएको छ । उत्कृष्टहरुलाई पुरस्कारको ब्यवस्था गएिको छ ।त्यस्तै पत्रकार महासंघ कास्कीकाले पनि अन्र्तरक्रिया कार्यक्रम आयोजना गरेर दिवस मनाउदै छ ।