पोखरा, फागुन २४ गते ।विभिन्न पार्टी परित्याग गरी नेकपा एमालेमा झण्डै चार सय जना प्रवेश गर्ने भएका छन् । नेकपा एमाले गण्डकी प्रदेश कमिटीले आज पार्टी प्रवेश कार्यक्रम आयोजना गरेको छ ।
कार्यक्रममा पूर्व संविधान सभा सदस्य डिलबहादुर नेपाली, जनता समाजबादी पार्टीका नेता देवी सुवेदी, गायिका पार्वती जिसी लगाय, काँग्रेस र माओबादी परित्याग गरी सयौजना एमाले प्रवेश गर्दै छन् । विभिन्न पार्टी परित्याग गरेर आउनेहरुलाई एमाले अध्यक्ष एवं पूर्वप्रधानमन्त्री केपी शर्मा ओलीले पार्टी प्रवेश गराउने कार्यक्रम रहेको छ । पोखराको सृजनाचोकस्थित साइमन पार्टी प्यालेसमा आयोजना हुन कार्यक्रममा ओली सहभागी हुने एमालेले जनाएको छ । यस अघि फागुन १३ गते पनि पार्टी प्रवेश कार्यक्रममा ११ सय बढि एमाले प्रवेश गरेका थिए । जनता समाज पार्टीका चार केन्द्रीय सदस्य सहित ११ सय बढिले अन्य पार्टी परित्याग गदै एमलो प्रवेश गरेका थिए ।
एमाले अध्यक्ष ओली सोमबारै पोखरा आएका छन् । उनी हिजो दुई बजे पोखरा आएका थिए । पोखरा आएर तीन कार्यक्रममा सहभागी भएका ओली रुपा गाँउपालिकामा रहेका रुपाकोर्ट रिसोर्टमा बसेका छन् । पार्टी प्रवेश कार्यक्रममा सहभागी भएर ११ बजे काठमाडौ फकर्ने कार्यक्रम रहेको छ ।