पोखरा, फागुन २४ गते । ११२ औँ अन्र्तराष्ट्रिय महिला दिवस पोखरामा विभिन्न कार्यक्रम गरी मनाइएको छ । “सामाजिक न्याय, लैंगिक समानता र दिगो विकासको सुनिश्चितता” नाराका साथ ११२औँ अन्तर्राष्ट्रिय महिला दिवस मनाइएको हो । पोखरा महानगरपालिले बृहत ¥याली सहित सभाको आयोजना गरेर दिवस मनाएको हो ।
महानगरको कार्यालय न्यूरोडबाट पञ्चेबाजा सहित सुरुभएको ¥याली सभागृहमा सभामा पुगेर कार्यक्रममा परिणत भएको थियो । ¥यालीमा महानगरभित्र रहेका ६८ वटा आमा समुहहरुले सहभागीता जनाएका थिए । कार्यक्रममा बोल्दै महानगर प्रमुख मानबहादुर जिसीले समाजमा रहेको अन्याय र अत्याचार अन्त्यका लागि सबैले प्रण गर्नुपर्नेमा जोड दिनुभयो । उहाँले महिला र पुरुषवीचको विभेद अन्त्यका लागि नारी मुक्ति आन्दोलनकी अभियन्ता क्लारा जेट्किनको एक्लो प्रयास सफल भएको बताउदै सबै मिलेर अगाडी बढे धेरै अधिकार प्राप्त गर्न सकिने दावी गर्नुभयो ।
महानगरका उपप्रमुख एवं कार्यक्रमका अध्यक्ष मञ्जुदेवी गुरुङले समाजमा रहेको विभेद अन्त्य गदै समतामुलक समाज निर्माणमा सबैको सहकार्य आवश्यक रहेको बताउनुभयो । उहाँले नेपाली महिलाका धेरै अधिकार संविधानमा स्थापित भएको बताउदै त्यसको कार्यान्वयन र उपयोग गदै थप अधिकार प्राप्तिका लागि सघर्ष जारी राख्नुपर्नेमा जोड दिनुभयो । महिलाहरु आर्थिक रुपमा सवल र सक्षम नहुदाँ विकास नहुने जिकीर गर्नुभयो ।
महानगरका प्रमुख प्रशासकीय अधिकृत बलराम रिज्यालले महिलाहरु घर र समाजमा दविनुपर्ने अवस्थाको अन्त्यको शुभकामना दिनुभयो । पोखरा प्रज्ञा प्रतिष्ठानका कुलपति पदमराज ढकालले महिलाहरु घरको पर्खाल भन्दा बाहिर आउनुपर्ने बताउदै आफना अधिकारका लागि जागरुक हुुनुपर्नेमा जोड दिनुभयो ।
यसैवीच पोखरा महानगरपालिकाले आयोजना गरेको ¥याली प्रतियोगितामा पोखरा १६ बाटुलचौरको मैदान आमा समुह प्रथम भएको छ । त्यस्तै सगरमाथा महिला विकास बचत तथा ऋण सहकारी सस्था पोखरा २३ दोश्रो भयो भने डडुवा तमु समाज पोखरा १० ले तेश्रो स्थापन प्राप्त गर्न सफल भयो । प्रथम, द्धितिय र तृतियले क्रमश ः दश, सात र पाँच हजार रुपैयाँ प्राप्त गरे ।प्रतियोगितामा सहभागी ६७ वटै टिमलाई महानगरले नगद तीन हजार सहित प्रमाणपत्र प्रदान गरेको छ ।
सोही कार्यक्रममा महानगरले सञ्चालन गरेको उपप्रमुखसंग महिला कार्यक्रम अन्र्तगत ऋण लिएर ब्यवासय गरेका उत्कृष्ट महिलालाई सम्मान समेत गरिएको थियो । विश्व महिला आन्दोलनले हालसम्म प्राप्त गरेका उपलब्धीहरूलाई संस्थागत गर्दै लैंगिक समानता हासिल गर्ने उद्देश्यसहित हरेक वर्ष ८ मार्चलाई अन्तर्राष्ट्रिय महिला दिवसका रूपमा मनाइन्छ ।
यो दिवस सर्वप्रथम १९०९ फेबु्रअरी २८ मा मनाइएको थियो । मार्च ८ मा नारी दिवस अर्थात् अन्तर्राष्ट्रिय श्रमिक महिला दिवस नेपालसहित विश्वभर मनाइने गरिन्छ ।सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर महिला दिवस मनाउन थालिएको हो ।