पोखरा, फागुन २५ गते ।मन्टेश्वरी एशोसियसन कास्कीले ११२औं अन्तर्राष्ट्रिय महिला दिवसको अवसर पारेर नवीन माध्यमिक विद्यालयमा रहेको उद्धार बाल विकास केन्द्रलाई खाद्यान्न सामाग्री वितरण गरेको छ । पोखरा ४ का वडा अध्यक्ष शंकर बास्तोलाले सहयोगको भवनमा सबैमा हुनुपर्ने र बाल विकासमा मन्टेश्वरीले खेल्नुपर्ने भूमिका बारे प्रकाश पार्दै मन्टेश्वरीलाई हेर्ने अहिले दृष्टिकोण सकारात्मक भएको बताउनुभयो ।
राहत वितरणमा चामल, दाल, तेल, घ्यू, नून, आटा, चिनी, भूजा, स्वास्थ्य सामाग्रीहरु आदि हस्तान्तरण गरिएको थियो । कार्यक्रमको अध्यक्षता मन्टेश्वरी एशोसियसन कास्कीका अध्यक्ष शाल्भी बास्तोला मर्सानीले गर्नु भएको थियो । कार्यक्रममा विद्यालयका शिक्षकहरु, मन्टेश्वरीका सस्थापक अध्यक्ष अरुना शेरचन, निर्वतमान अध्यक्ष मिलन के.सी., सल्लाहकार कुलप्रसाद सुवेदी, कार्यसमिति र म्याकका सदस्यहरु, बालबालिकाहरु, अभिभावकहरुको उपस्थिति रहेको थियो । स्वात मन्तव्य म्याक उपाध्यक्ष सावित्री थापाले गर्न्नु भएको थियो भने कार्यक्रम संयोजक संगीता न्यौपानेले गर्नुभएको थियो ।
अध्यक्ष शाल्भी बास्तोलाले भोलीका दिनहरुमा आफ्नो कार्यकाल अवधिमा वालवालिकालाई केन्द्रित गरि कार्यक्रमगर्ने जानकारी गराउनु भएको थियो । कार्यक्रमको संचालन मन्टेश्वरी एशोसियसन कास्कीका सचिव जनार्दन सुवेदीले गर्नुभएको थियो ।