पोखरा, फागुन २५ गते ।पोखरा महानगरपालिका वडा नम्वर २ मा रहेको अनन्ता सामुदायिक सेवा समितिको अध्यक्षमा कमला पराजुली चयन हुनुभएको छ ।२४ औँ वार्षिक साधारण सभा एवं १२ औ अधिवेशनबाट पराजुलीको अध्यक्षतामा १३ सदस्यीय नयाँ कार्यसमिति चयन भएको हो ।
११२ औँ अन्तराष्टिय महिला दिवसको अवसर पारेर गरिएको कार्यक्रमको उद्घाटन गण्डकी प्रदेश सभा सदस्य पुष्पा केसी भण्डारीले गदै महिला र पुरुष वीचको विभेदलाई अन्त्य गर्नुपर्नेमा जोड दिदै जन्मदेखि मृत्युसम्म विभेद रहेको बताउनुभयो । उहाँले स्कल कलेजमा छात्रहरुले परीक्षामा बढि नम्वर ल्याउदाँ कसरी ल्याए के गरेर ल्याए भनेर प्रश्न गर्ने गरेको भन्दै महिलाहरुमाथि अझै विभेद कायमै रहेको उल्लेख गर्नुभयो । पोखरा महानगरपालिका वडा नम्वर १ का अध्यक्ष शारदा पराजुली, २ का वडा अध्यक्ष रामेश्वर मल्ल, १८ का अध्यक्ष रणबहादुर थापा लगायतले महिला दिवसका बारेमा बोल्नुभएको थियो ।
अनन्ता सामुदायिकका अध्यक्ष रंजीता सुवेदीको अध्यक्षतामा भएको कार्यक्रममा पूर्व अध्यक्ष गोमा सुवेदी, जानुबाबा आवासियका प्राचार्य कृष्ण गुरुग लगायतले बोल्नु भएको थियो भने सञ्चालन सचिव सरिता सुवेदीले र स्वागत उपाध्यक्ष कमला पराजुलीले गर्नुभएको थियो ।यसैवीच कार्यक्रममा संस्थाका ज्येष्ठ नागरिक रुद्रनाथ पौडेल सहित एसइइ उत्तिर्ण छात्रछात्रलाई सम्मान समेत गरिएको थियो । नेपाल रेडक्रस सोसाइटी उपशाखा २ का सभापति खगेन्द्र पराजुलीद्धारा स्थापित गुणराज स्मृति छात्रबृत्ति विन्ध्यबासिनी मावि वरपाटका छात्रछात्राहरुलाई प्रदान गरिएको थियो । यसैवीच समितिले आयोजना गरेको रक्तदान कार्यक्रममा यूनिट रगत संकलन भएको थियो ।