पोखरा, भदौ १४ गते । पोखरा महानगरपालिकाका कार्यबाहक प्रमुख मञ्जुदेवी गुरुङले नेपाली महिलाहरुको पर्व तीजमा पछिल्लो समय विकृति र विसंगीत भित्रिएको बताउदै सभ्य रुपमा मनाउनुपर्नेमा जोड दिनुभएको छ । ‘पछिल्लो समय विकृति, विसगती भित्रिएको त्यसलाई पछि राख्दै संस्कार र संस्कृति संरक्षण गर्ने गरी तीज पर्व मनाउनुपर्छ ।’ दर खाने नाममा होटलहरु वियर खाने विकृति फैलिएको बताउदै उहाँले भन्नुभयो,‘गाउँने नाच्ने नाममा विकृति भित्रिएको छ । त्यसलाई हामीले प्रश्रय दिन हुदैन् । सभ्य रुपमा मनाउनुपर्छ ।’
सफल उद्यमी महिला समुह पोखरा २५ हेमजाले मंगलबार आयोजना गरेको कास्की जिल्ला स्तरीय तीज गीत प्रतियोगिताको उद्घाटन गदै उहाँले विगतमा तीजमा सासु र आँशुका विषयमा जोडेर गीत गाँउदै आएको भएपनि पछिल्लो समय परिवर्तन हुदै आएको बताउनुभयो । महिलाले धेरै आन्दोलन र संघर्ष मात्र परिर्वतनको नेतृत्व गदै आएकाले अहिले धेरै अधिकार प्राप्त गरेकै कारण महिलाहरु देशको प्रमुख पदमा पुगेको बताउदै भन्नुभयो,‘महिलाहरुले आफनो अधिकारका बारेमा आवाज बुलन्द्ध गरेर आन्दोलन नगरेको भए अहिलेको अवस्था आउने थिएन् । त्यसैले अव रोयर बस्ने दिन गए ।’ उहाँले आर्थिक विकास र समृद्धिका गीत गाउनुपर्ने बताउनुभयो ।
‘अव सासु र आँशुका गीत गाएर बस्नुपर्ने अवस्था छैन् । महिलाहरुले समृद्धि र विकासका गीत गाउँदै संविधानले प्रदान गरेरका अधिकार कार्यान्वयनमा लाग्नुपर्छ ।’ उहाँले अव महिलाहरु उद्यमी र ब्यवसायीक बन्नुपर्नेमा जोड दिनुभयो । कार्यबाहक प्रमुख गुरुङले महिलाहरुको शसक्तिकरण र उद्यमी बनाउन महानगरले विभिन्न कार्यक्रम ल्याएको बताउनुभयो ।‘महिलाहरुलाई उद्यमी बनाउन उपप्रमुखसंग महिला कार्यक्रम सञ्चालन गरेको छ । त्यसबाट सहुलियतमा ऋण लगानी गरेर स्वरोजगार बनाइने छ ।’ कार्यक्रममा तीन जना उद्यमी महिलाई सम्मान समेत गरिएको थियो ।