पोखरा, भदौ १९ गते । मंसिर ४ गते हुने प्रदेश तथा प्रतिनिधिसभाको निर्वाचनका लागि नेकपा एमाले कास्कीका तीन निर्वाचनबाट आकाक्षीको नाम संकलन गरेको छ । कास्कीका तीन वटै क्षेत्रीय निर्वाचन समन्वय कमिटिले आइतबार प्रतिनिधि सभा सदस्यका लागि आकाक्षीको नाम सिफारिस गरेका छन् ।
कास्की निर्वाचन क्षेत्र नम्वर १५ बाट ४ जना, क्षेत्र नम्वर २ बाट ४ जना र क्षेत्र नम्वर ३ बाट ९ को गरी २८ जनाको नाम क्षेत्रीय समन्वय कमिटिबाट जिल्ला कमिटि कास्कीमा सिफारिस भएको एमाले जिल्ला कमिटि सचिव बैनबहादुर क्षेत्री अधिकारीले जानकारी दिनुभयो । कास्की क्षेत्र नम्वर १ बाट पूर्वगृहमन्त्री वर्तमान प्रतिनिधि सभा सदस्य खगराज अधिकारी सहित १५ जनाको नाम क्षेत्रीय कमिटिले सिफारिस गरेको हो । सिफारिस हुनेहरुमा अधिकारी, बैनबहादुर अधिकारी क्षेत्री, कालिदास सुवेदी, हिमालय बख्रेल, दिलिप न्यौपाने, बालासिह काउछा मगर, पदमप्रसाद पौडेल, पष्पज्योति ढुंगाना, झलक प्रसाद सुवेदी, पुष्पराज अधिकारी, शंकरनाथ पौडेल, मिलन सुवेदी, मनबहादुर गुरुंग, लक्ष्मी सिंह, रामराज अधिकारी रहेका छन ।
त्यस्तै कास्की क्षेत्र नम्वर २ बाट विद्या भटराई अधिकारी, प्रभा कोइराला, केशव आचार्य, भुपेन्द्र गिरीको नाम सिफारिस भएको छ । यता कास्की निर्वाचन क्षेत्र नम्बर ३ वाट युवा नेता विवेक त्रिपाठीले प्रतिनिधिसभामा एमालेबाट चुनाव लड्न निवेदन दिएका छन् । एमाले निर्वाचन क्षेत्र ३ बाट निर्वाचन क्षेत्रबाट चुनाव लड्न एमालेबाट ९ जनाले आकांक्षा व्यक्त गरेका छन । देवी सुवेदी,जगत वि.क, गणेशमान गुरुङ, जगन्नाथ वास्तोला, सुरेन्द्रमान सिहं भण्डारी,शिवकुमार पौडेल, विबेक त्रिपाठी र भरत पराजुलीले आकाक्षा ब्यक्त गरेका छन् ।