पोखरा, भदौ २१ गते । पोखरा महानगरपालिका वडा नम्वर ६ का भुमिहिन दलित, भुमिहिन सुकुम्वासी र अब्यवस्थित बसोबासीलाई जग्गाधनी पुर्जाको निस्सा वितरण गरिएको छ ।
पोखरा महानगरपालिका वडा नम्वर ६ ले आयोजना गरेको कार्यक्रममा पोखरा महानगरका मेयर धनराज आचार्य र उपप्रमुख मञ्जुदेवी गुरुङले संयूक्त रुपमा निस्सा वितरण गर्नुभयो । ६९ जनाले जग्गा धनी पुर्जाका लागि फर्म भरेका थिए । ती मध्य ६४ जनालाई निस्सा वितरण गरिएको पोखरा वडा नम्वर ६ का अध्यक्ष विष्णुबहादुर भटराईले जानकारी दिनुभयो ।
कार्यक्रममा बोल्दै पोखरा महानगरपालिकाका प्रमुख धनराज आचार्यले कुनै पनि भूमिहीन दलित, भूमिहीन सुकुम्वासी र अव्यवस्थित बसोबासी लालपुर्जा विहीन नहुने बताउनुभयो । आचार्यले नागरिकको संवैधानिक अधिकारको प्रत्याभुतिका लागि आफूहरू प्रतिबद्ध रहेको बताउनुभएको हो । धेरै वर्षदेखि समस्या समाधान गछौ भनेको भएपनि काम हुन नसकेको र यस पटका कास्कीमा १९ हजार ८ सय ५६ जनाको निवदेन परेको बताउदै अव धग्गाधनी पुर्जा वितरणको काम सुरु भएको बताउनुभयो ।
पोखरा महानगरका उपप्रमुख मञ्जुदेवी गुरुङले पोखरा महानगरपालिकाले भुमिहिनको समस्या समाधानका लागि काम गरिरहेको बताउनुभयो । केही समस्या भएका कारण ढिला भएको बताउदै अव निस्सा वितरण प्रक्रियासंगै भुमिहिन हो भन्ने प्रमाणित भएको छ उहाँले भन्नुभयो, ‘अव तपाईहरुको समस्या समाधन हुन्छ । ढुुक्क भएर बस्नुहोस ।जग्गाधनी पुर्जा प्राप्त गर्नहुन्छ ।
राष्ट्रिय भूमि आयोग कास्कीका अध्यक्ष गङ्गा पोखरेलले भूमिहीन दलित, भूमिहीन सुकुम्वासी र अव्यवस्थित बसोबासीहरुले प्राप्त गरेको निस्सालाई कमजोर नआँक्न सुझाव समेत दिनुभयो । जग्गा प्राप्ति अघिको लालपुर्जाका रूपमा यसलाई बुझ्न उहाँले आग्रह गर्नुभयो ।