पोखरा, भदौ २२ गते । पोखरा महानगरपालिका उपप्रमुख मञ्जुदेवी गुरुङले नागरिकलाई मुस्कान सहितको सेवा उपलब्ध गराउन आग्रह गर्नुभएको छ ।
निजामती सेवा दिवसको अवसरमा पोखरा महानगरपालिकामा सेवा लिन आउनुभएका पहिलो सेवाग्राही देवी बि.क र टुनबहादुर कुवँरलाई माला लगाएर स्वागत गर्दै उहाँले महानगरका कर्मचारीले सेवाग्राहीलाई सहज र सरल रुपमा मुस्कान सहितको सेवा प्रदान गर्ने बताउनुभयो ।
उपप्रमुख गुरुङले जनताले नागरिकको सेवा गर्न निर्वाचत गरेर पठाएको बताउदै कर्मचारी र जनप्रतिनिधि दुवैले सहज रुपमा सेवा प्रदान गर्ने उद्देश्यले महानगरमा एकद्धार प्रणालीको सुरु गरेको बताउनुभयो । नागरिकले कोठाकोठामा फाइल बोकेर जानुपर्ने अवस्थाको अन्त्य गदै सहज रुपमा सेवा प्रदान गर्न एकद्धार प्रणाली लागु गरेका छौ उहाँले भन्नुभयो,‘ यसले नागरिकलाई सहज हुने छ ।’ उहाँले सेवा प्रवाहमा कुनै समस्या भए ११८१ मार्फत राख्न समेत आग्रह गर्नुभयो । व्यावसायिक र सिर्जनशील प्रशासनः विकास समृद्धि र सुशासन’ भन्ने नाराका साथ बुधबार निजामति दिवस मनाइएको छ ।