पोखरा, जेठ । साइड सेयरि विरुद्ध आन्दोलनमा उत्रेका व्यवसायी र सरकारवीच भएको सहमती कार्यान्वयन नभए सशक्त्त आन्दोलन गर्ने चेतावनी दिएका छन् ।सार्वजनिक यातायात बचाउ केन्द्रीय संघर्ष समितिका अध्यक्ष विजय बहादुर स्वारले एक विज्ञप्ति जारी गर्दै सरकारसँग वार्ता जारी रहेकोले आफूहरूको आन्दोलन सशक्त रुपमा अघि बढाउन देशभरका यातायात व्यवसायी, स्वरोजगार, मजदुर, कर्मचारीहरूमा आग्रह गरेका छन् ।
संघीय सरकारसँग भएको सहमति गण्डकी प्रदेश सरकारले कार्यान्वयन नभए भोलि देखि आन्दोलन अझै सशक्त रुपमा अघि बढ्ने विज्ञप्तिमा उल्लेख गरिएको छ । ‘संघीय सरकारसँग भएको सहमतीलाई गण्डकी प्रदेश सरकारले सहमति अनुसार कार्यान्वयन नभएमा भोलीदेखीको आन्दोलन अझ सशक्त रुपबाट अगाडी बढाइने व्यहोरा यसै प्रेस विज्ञप्ती मार्फत सम्बन्धित सबै पक्षमा अनुरोध गरिन्छ,’ विज्ञप्तिमा भनिएको छ ।
पत्रकार सम्मेलन आयोजना गरेर आन्दोलनका कार्यक्रम र सरकारसँग भएका सम्झौता सार्वजनिक गरिने पनि विज्ञप्तिमा बताइएको छ ।उता, प्रधानमन्त्री तथा मन्त्रिपरिषद् कार्यालयले भने सहमति कार्यान्वयनका लागि पत्र पठाएको छ । उक्त पत्रबारे अहिले मुख्यमन्त्री तथा मन्त्रिपरिषद् कार्यालयमा मन्त्रीहरु वीच छलफल भइरहेको बताइएको छ ।