पोखरा, मङ्सिर १८ गते । नेपाली काँग्रेसको १४औँ महाधिवेशनअन्तर्गत आज प्रदेश ६ वटा प्रदेशमा प्रदेश कार्यसमिति चयनका लागि मतदान भएको छ । देश सङ्घीयतामा गएपछि संविधानमा व्यवस्था भएको सङ्घीय संरचनाअनुसार काँग्रेसले पहिलो पटक प्रादेशिक अधिवेशन भएको हो ।
काँग्रेस महाधिवेशनमा सभापति शेरबहादुर देउवा र वरिष्ठ नेता रामचन्द्र पौडेल वीच प्रतिस्पर्धा कडा देखिन्छ । गण्डकी प्रदेशमा मतदा सम्पन्न भएको छ । विहान ८ बजेबाट सुरु मतदान साँझ चार बजेसम्पन्न भएको हो । मतदातमा कुल मतदाता ११६५ जना रहेकोमा ११४६ मत खसेको छ । १९ जना मतदान अनुपस्थित रहेको निर्वाचन आयोगले जनाएको छ ।मतदान कार्य सकिएकोले साँझ ६ बजेपछि मतगणना सुरु हुने जनाइएको छ । मतगणना पोखरास्थित उद्योग वाणिज्य संघको हलमा हुनेछ ।
गण्डकी प्रदेशको सभापति पदमा काँग्रेस संस्थापन पक्ष पार्टी सभापति शेरबहादुर देउवाको प्यानलबाट अर्जुनप्रसाद जोशी र संस्थापनइतरबा सभापतिमा शुक्रराज शर्मा चुनावी मैदानमा छन । जोशी प्यानलबाट उपसभापतिमा मेखलाल श्रेष्ठ, नेत्र महत,महामन्त्रीबाट कुमार खड्का, ईश्वर पाण्डे उम्मेदवार रहेका छन् । यता पौडेल पक्षबाट उपसभापतिमा हरिप्रसाद श्रेष्ठ र कल्पना तिवारी रहेका छन् भने महामन्त्रीमा किरणबाबु श्रेष्ठ, विष्णुप्रसाद लामिछाने उम्मेदवार छन् ।
त्यस्तै महिला सहमहामन्त्रीमा जोशी पक्षबाट ओमकला गौतम र शर्मा प्यानलबाट कोपिला रानाभाट छन् । खुल्ला सहमहामन्त्रीमा जोशी प्यानलबाट राजनराज पन्त र झुलबहादुर आले तथा शर्मा प्यालनबाट रामचन्द्र जोशी र रमेश पाण्डेको उम्मेदवारी परेको छ ।सहमहामन्त्रीमा दुई जनाले स्वतन्त्र उम्मेदवारी दर्ता गरेका छन् ।युवराज बस्ताकोटी र गणेश सापकोटाले स्वतन्त्र उम्मेदवारी दिएका हुन् ।५९ सदस्यीय समितिका निर्वाचित हुने छ भने २० प्रतिशत मनोनित हुने व्यवस्था काँग्रेस विधानले गरेको छ ।
निर्वाचन समिति संयोजक वरिष्ठ अधिवक्ता कृष्णबहादुर थापाले एक हजार १६० मतदाताले ६८ सदस्यीय प्रदेश कार्यसमिति चयन गर्ने बताउनुभयो । लुम्बिनी प्रदेश निर्वाचन समिति सदस्य जीवनारायण अधिकारीका अनुसार काँग्रेस प्रदेश सभापति पदमा भरतकुमार शाह र अमरसिंह पुनमगरले उम्मेदवारी दिनुभएको छ । एक हजार ६४८ मतदाताले पदाधिकारीसहित ७७ सदस्यीय प्रदेश कार्यसमितिका लागि मतदान गर्ने छन् ।