पोखरा, फागुन १३ गते ।नेकपा एमालेमा आकर्षण बढेको छ । एमाले प्रवेश गर्नेहरुको लर्को लागेको छ । शुक्रबार एमाले गण्डकी प्रदेश कमिटिले आयोजना गरेका अगुवा कार्यकता भेला तथा पार्टी प्रवेश कार्यक्रममा विभिन्न पार्टी त्यागेर १ हजार बढि एमाले प्रवेश गरेका छन् ।
जनता समाजवादी पार्टी (जसपा)का ४ जना केन्द्रीय सदस्य र प्रभावशाली नेता कार्यकर्ता सहित नेकपा माओबादी केन्द्र, नेकपा माओबादी, एकिकृत समाजवादी पार्टी छोडेर एक हजार बढि एमाले प्रवेश गरेका छन् । एमाले अध्यक्ष एवं पूर्वप्रधानमन्त्री केपी शर्मा ओलीले खादा लगाए पार्टी प्रवेश गराउनुभयो ।
कार्यक्रममा जसपाका केन्द्रीय सदस्य एवं गण्डकी इन्चार्ज गणेशमान गुरुङ, केन्द्रीय सदस्य एवं तमुवान राज्य समिति इन्चार्ज देवीराज गुरुङ, केन्द्रीय सदस्य तथा तमुवान राज्य समिति अध्यक्ष हुमबहादुर गुरुङ र केन्द्रीय सदस्य एवं गण्डकी प्रदेश समितिका उपाध्यक्ष दीपक तामाङ सहित जसपाका जिल्ला, वडास्तरका कार्यकता एमाले प्रवेश गरे । कार्यक्रममा नेपाली कांग्रेस, नेकपा माओवादी, नेकपा एकीकृत समाजवादी र राप्रपा लगायत पार्टी परित्याग गरेका सयौं जनालाई एमाले अध्यक्ष ओली, उपमहासचिव पृथ्वीसुब्बा गुरुंग, सचिव पदमा अर्याल, एमाले संगठन विभाग प्रमुख खगराज अधिकारी लगायलते पार्टी प्रवेश गराउनुभयो ।
एमाले प्रवेश गर्नेहरु
जनता समाजवादी पार्टी ९जसपा०बाट प्रवेश गर्नेमा केन्द्रीय सदस्य एवं गण्डकी प्रदेश इन्चार्ज गणेशमान गुरुङ, केन्द्रीय सदस्य एवं तमुवान राज्य समिति इन्चार्ज देवीराज गुरुङ, केन्द्रीय सदस्य एवं तमुवान राज्य समिति अध्यक्ष हुमबहादुर गुरुङ, केन्द्रीय सदस्य एवं तमुवान राज्य समिति बरिष्ठ उपाध्यक्ष दीपक तामाङ, तमुवान राज्य समिति उपाध्यक्ष टाँसीमाया गुरुङ र किसान विश्वकर्मा गण्डकी प्रदेश सदस्यहरु खड्गबहादुर गुरुङ, लक्ष्मण गुरुङ लगायत प्रवेश गरेका हुन् ।
कांग्रेसबाट एमालेमा प्रवेश गर्नेहरुमा तरुण दल पोखरा १८ का उपसभापति शंकरजंग थापा, ट्रेड युनियन कांग्रेसका नवराज बिजुक्छे लगायत रहेका छन् । माओवादी केन्द्रबाट पोखरा ७ का पूर्व अध्यक्ष सूर्यबहादुर कार्की, माछापुच्छ«े गाउँपालिकाका पूर्व गाउँपालिका अध्यक्ष टेकनाथ गौतम, प्रदेश कमिटी सचिवालय सदस्य राजु पराजुली लगायत प्र्रवेश गरेका छन् ।
नेकपा समाजवादीबाट कास्की जिल्ला सचिवालय सदस्य पोखरा १७ का चित्र बराल, कमल बराल, दीव्य कुमार बराल, तोरण लोहार लगायत एमालेमा प्रवेश गरे । राप्रपाका नेता एवं पोखराका पूर्व मेयर भीमसेन थापा एमालेमा प्रवेश गरेका छन् ।सामाजिक व्यक्तित्व डा। सुधीर पराजुलीसमेत पार्टी अध्यक्ष केपी शर्मा ओलीको हातबाट खादा लगाई एमालेमा विधिवत् प्रवेश गरेका छन् ।