पोखरा, फागुन २४ गते । नेकपा(एमाले)का अध्यक्ष केपी शर्मा ओलीले सरककार आफनो प्राथमिकता नभएको बताएका छन् । नेकपा एमाले गण्डकी प्रदेश कमिटिले मगलबार पोखरामा आयोजना गरेको पार्टी प्रवेश कार्यक्रममा बोल्दै भने, अहिले हाम्रो गन्तब्य सरकार हैन् ।समृद्ध नेपाल, सुखी नेपाली ।
अध्यक्ष ओलीले एमाले राष्टिय हित, सार्वभौमसत्ता र स्वाधिनताको रक्षा गर्ने नीति अनुसार अगाडी बढेको बताउनुभयो । उहाँले नेकपा एमालेसंग अरु कुनै राजनीतिक दलहरुको तुलना नहुने बताउदै भन्नुभयो, विचार,ब्यवहार, निष्ठा र समर्पण अरु पार्टीका अगाडी एमालेसंग तुलना गर्न मिल्दैन् । उहाँले अहिलेको लडाई परमादेशीवाला र जनादेशवालाको भएको बताउनुभयो । यसैवीच कार्यक्रममा जनता समाजवादी पार्टी (जसपा) का प्रभावशाली नेता कार्यकर्ता एमाले प्रवेश गरेका छन् ।
जसपा केन्द्रीय सदस्य देवी सुवेदी, संविधानसभा सदस्य डिबी नेपालीसहित चार सहित जना एमाले प्रवेश छन् । एमाले अध्यक्ष केपी शर्मा ओलीले उनीहरुलाई पार्टीमा स्वागत गरे ।जसपाका ९ केन्द्रीय सदस्य, १३ जना प्रदेश पदाधिकारी तथा सदस्य, १२ जना जिल्ला सदस्यका साथै भ्रातृ संगठनका तीनजना अध्यक्षसहित एमाले प्रवेश गरेका हुन् । त्यस्तै माओबादी केन्द्रका जिल्ला सचिवालय सदस्य प्रकाश अधिकारी लगायत पार्टी प्रवेश गरे ।