पोखरा, साउन १७ गते ।नेकपा एमाले गण्डकी प्रदेशले वर्तमान सत्ता गठवन्धनले वढाएको भष्ट्राचार, महंगी, एमसिसि सम्झौता, एसपिपि, नागरिकता विधेयक, वजेटमा भएको नितिगत भष्ट्राचार, गण्डकी प्रदेश सरकारको वजेट दुरुपयोग र करका दरमा भएको वृद्धि जस्ता क्रियाकलापका विरुद्ध आन्दोलन संचालन गर्ने भएको छ ।
पार्टीले आफ्ना मातहतका पार्टी कमिटी र जनसंगठनलाई जनजिविकासंग सम्वन्धीत यस्ता मुद्दामा आम जनसमुदायलाई पनि गोलवन्ध गरि सचेत गर्दै आन्दोलनमा सहभागी गराउनको लागी अभियान चलाउन निर्देशन दिएको छ । जनविरोधी सरकारले जनता माथि गरेको यस्तो गतिविधिले देश श्रीलंका हुने हो कि ? भन्ने आवास भएको शंका ब्यक्त गदै जनता दिन प्रतिदिन महंगीको चपेटामा परेको उल्लेख गरेको छ । । यस्तो वेला सचेत दल र नागरिकहरु मुखदर्शक भएर वस्न मिल्दैन् एमाले गण्डकीले भनेको छ,त्यसकारण हामी यो सरकारको विरुद्धमा अभियान संचालन गर्न वाध्य छौं ।
गठवन्धन सरकारको केन्द्र र प्रदेशका गतिविधिीहरुले व्यवस्था माथि नै धावा वोल्न थालेको छ । जनताहरु राजनीति प्रति दिन प्रतिदिन वितृष्णा पैदा भईरहेको बताएकोछ । सरकार जनताको भन्दा पनि माफियाँ र विदेशीको गोटी वनेको छ आरोप लगाउदै राष्ट्रियता प्रति उदासिन छ । जनजिविको विषयमा सरकार मुकदर्शक जस्तो बनेको दावी गरेको छ । सरकार नै छन जस्तो छ आभाष छ ।
माफियाँहरुले सरकार संचालन गरेको अवस्था छ । देश गम्भिर दिशामा रहेको हुदाँ सचेत दल र नागरिकले यसको विषयमा आन्दोलन गर्नु आजको आवश्यकता भएको एमाले जनाएको छ । सरकारलाई जनताको पक्षमा लाग्नको लागी दवाव सृजना गर्नुपर्ने बताउदै राष्ट्रियता जोगाउनु पर्नेछ भनिएको छ । जनतालाई सचेत पार्दै राष्ट्रियतावादी अभियानमा लाग्न र राष्ट्रघाति गठवन्धनको विरुद्धमा सचेत पार्न जरुरी रहेको बताउदै आन्दोलनको विकल्प नभएको बताएको छ ।