पाेखरा, साउन २० गते ।नेकपा एमालेको खेलकुद क्षेत्र हेर्ने मुख्य संगठन नेपाल खेलकुद महासंघ गण्डकी प्रदेश कमिटीले साताब्यापि खेलकुद प्रतियाेगिता आयाेजना गर्ने भएकाे छ ।
आउदाे मङ्सिर १४ देखि २१ गते सम्म पोखरामा सप्ताहब्यापि खेलकुद प्रतियोगिता गर्ने तयारी गरेकाे हाे । संघको हिजो पोखरामा सम्पन्न पाँचौं बैठकले उक्त निर्णय गरेको हो । खेल महोत्सवमा १० खेलमा प्रतिस्पर्धा हुने संघ गण्डकी अध्यक्ष बिष्णु पुनले जानकारी दिए ।
खेल महोत्सवमा खुल्ला फुटबल प्रतियोगीता, गण्डकी प्रदेश अन्तरपालिका स्तरिय भलिबल प्रतियोगिता , खुल्ला ब्याडमिन्टन प्रतियोगिता , खुल्ला टेबल टेनिस प्रतियोगिता , कास्की जिल्ला विद्यालय स्तरीय दौड प्रतियोगिता, गण्डकी प्रदेश स्तरीय स्लो स्कुटर रेस प्रतियोगिता ,कबबडी प्रतियोगी , खुल्ला स्क्वास प्रतियोगिता र परम्परागत खेल घैटोफोर , चेस गरी ९ खेल समाबेश गरिएको कुरा महासंघका उपाध्यक्ष दिपेन्द्र शर्माले जानकारी गराए।