पोखरा, फागुन १ गते । सफल पोखरा म्याथनमा विभागीय नेपाल सेनाले वर्चश्व जमाएको छ । शनिबार सम्पन्न १५ औं संस्करणको पोखरा म्याराथनको उपाधि नेपाली सेनाका राजन रोकायाले जित्नुभएको छ । नेपाल भुतपुर्व खेलाडी मञ्च नेपालको आयोजना सम्पन्न ४२.१९५ किलोमिटरको दुरीलाई रोकायाले २ घण्टा २८ मिनेट ५६ सेकेण्डमा पुरा गर्दै उपाधि सहित नगद २ लाख रुपैयाँ, मेडल र प्रमाणपत्र जित्नुभयो ।
दोस्रो स्थान पनि सेनाकै धावक ज्ञानप्रसाद भटराईले जित्नुभयो । उहाँले २ घण्टा ३३ मिनेट ४८ सेकेण्डमा पुरा गदै नगद १ लाख रुपैयाँ सहित मेडल र प्रमाणपत्र प्राप्त गर्नुभभयो । तेश्रो स्थानपनि नेपाली सेनाका देवराज बस्नेतले जित्नुभयभो । उहाँले २ घण्टा ४२ मिनेट ३३ सेकेण्डमा दुरी पार गदै तेश्रो स्थान सहित नगद ७५ हजार रुपैयाँ, मेडल र प्रमाणपत्र प्राप्त गर्नुभयो । पोखरा म्याराथनमा आर्मीले आफनो गर्विलो शाखलाई कायम राख्दै पहिलो, दोस्रो र तेस्रो स्थान कब्जा जमाउनु सफल भएको छ ।
त्यस्तै चौथो स्थान कास्कीका डिलकु बुढाले जित्नुभयो । उहाँले २ घण्टा ५४ मिनेट ८ सेकेण्डमा दुरी पुरा गदै २५ हजार, मेडल र प्रमाणपत्र प्राप्त गर्नुभयो । म्याराथनमा विभिन्न जिल्ला एवं विभागीय क्लबका गरी २०९ जना धावकले प्रतिस्पर्धा गर्नुभएको थियो ।
त्यस्तै महिला हाफ म्याराथनको उपाधि उपाधि नेपाल पुलिसकी राजपुरा प्रसाईले जित्नुभएको छ । २१ किलोमिटर दुरी उहाँले १ घण्टा २७ मिनेट ८ सेकेण्डमा पुरा गर्दै उपाधि नगद १ लाख, मेडल र प्रमाणपत्र जित्नुभयो ।
यता जुम्लाकी राममाय बुढाले १ घण्टा ३० मिनेट ४४ सेकेण्डमा दुरी पार गदै नगद ७५ हजार, मेडल र प्रमाणपत्र प्राप्त गर्नुभयो । तेस्रो स्थानमा भने शसस्त्र प्रहरी बलकी बृन्दा श्रेष्ठ हुनुभयो । उहाँले निर्धारित दुरी १ घण्टा ३१ मिनेट १३ सेकेण्डमा पुरा गदै नगद ५० हजार, मेडल र प्रमाणपत्र प्राप्त गर्नुभयो । चौथो स्थान नेपाल प्रहरीकी रेखा विष्टले जित्नुभयो । उहाँले १ घण्टा ३६ मिनेट ५४ सेकेण्डमा दुरी पार गदै १५ हजार, मेडल र प्रमाणपत्र प्राप्त गर्नुभयो । हाफ म्याराथनमा २९ जनाले प्रतिस्पर्धा गर्नुभएको थियो ।
विजेता धावकलाई गण्डकी प्रदेशका मुख्यमन्त्री पृथ्वीसुब्बा गुरुङ,राष्टिय खेलकुद परिषदका सदस्यसचिव रमेशकुमार सिलवाल, नेपाल ओलम्पिक कमिटिका अध्यक्ष जीवनराम श्रेष्ठ, भूतपूर्व खेलाडी मञ्चका अध्यक्ष तेजबहादुर गुरुङ लगायतले नगद, मेडल र प्रमाणपत्र प्रदान गर्नुभएको थियो ।