पोखरा, फागुन १ गते । पोखरामा जारी टाईगर कप क्लब च्याम्पियनसिप राष्ट्रिय महिला पुरुष÷भलिबल प्रतियोगिताको फाइलन आज हुदै छ । पोखरा रंगशालाको भलिबल कोर्टमा आयोजना हुने फाइलन अन्र्तगत पहिलो खेलमा महिला तर्फ एपिएफ क्लब र नेपाल पुलिस क्लववीच उपाधिका लागि प्रतिस्पर्धा हुने छ । नेपाली भलिबलमा यी दुवै परिचित प्रतिस्पर्धी हुन् ।
महिला तर्फ ६ अंकका साथ पहिलो स्थानमा रहदै पुलिस फाइन पुग्दा एपिएफ र न्यू डायमण्डको समान पाँचपाँच अंक भएपनि शुक्रबारको खेलमा तीनै सेट जितेका कारण एपीएफ फाइलन पुगेको प्रतियोगिताका राष्टिय रेफ्रि टहलसिंह थापाले जानकारी दिनुभयो ।
गण्डकीले शुक्रबारको खेलमा शसस्त्र प्रहरी बललाई सोझो सेटमा पराजित गर्दै फाईनल यात्रा तय गरेको थियो । आर्मीले नेपाल पुलिस क्लबलाई ३–० को सोझो सेटमा पराजित गर्दै फाईनलमा स्थान पक्का गरेको हो । आर्मीले पुलिसलाई २६–२४, २५–२२ र १५–१४ को सोझो सेटमा पाखा लगाउदै गण्डकीसंगको भेट पक्का गरेको हो ।
गण्डकी प्रदेशले शसस्त्र प्रहरीलाई ३–० सोझो सेटमा पराजित गर्दै फाईनलमा प्रवेश गरेको हो । गण्डकीले फाईनल प्रवेश सहज बनाउन २५–२१,२९–२७ र २५–१५ ले सशस्त्रलाई पाखा लगायो । यता महिला तफको खेलमा एपिएफले न्यू डायमण्ड क्लब काठमाडौलाई सोझो सेटमा पाखा लगाउदै फाइनल यात्रा पक्का बनायो । एपिएफले डायमण्डलाई २५–२१, २५–२१ र २५–२३ को सोझो सेटमा पाखा लगाउदै पुलिससंगको भेट पक्का गरेको हो । प्रतियोगिताको फाइलन खेल शनिबार दिउसो हुने छ । पहिलो खेल महिला तर्फ एपिएफ र पुलिस वीच हुने छ भने दोश्रो खेल गण्डकी र आर्मी वीचको पुरुष टिमवीच हुने छ ।
प्रतियोगिताको विजेता महिला तथा पुरुष टोलीलाई नगद १ लाख ५० हजार रुपैयाँको पुरस्कार राशीसहित ट्रफी तथा पदक एवं प्रमाणपत्र प्राप्त गर्ने छ उपविजेताले महिला तथा पुरुष टोलीले नगद ७५ हजार रुपैयाँ, तेस्रो हुने टोलीलाई भने ३५ हजार राशीको नगदपुरस्कार प्रदान गरिने आयोजकले जनाएको छ । सान्त्वना पुरस्कार १५र१५ हजार रुपैयाँ प्रदान गरिने छ ।