काठमाडौं, जेठ ५ गते । नेकपा (एमाले) का अध्यक्ष तथा प्रधानमन्त्री केपी शर्मा ओलीले बागमती प्रदेशबाट प्रतिनिधित्व हुने राष्ट्रियसभा सदस्यको रिक्त पदमा पार्टीका आधिकारीक उम्मेदवार रामबहादुर थापा बादललाई मतदान गरी विजयी बनाउन आग्रह गर्नुभएको छ ।
बुधबार पार्टीको नामबाट अपिल जारी गर्नुहुँदै प्रधानमन्त्री ओलीले सो आग्रह गर्नुभएको हो । अपिलमा भनिएको छ, “जेठ ६ गते वागमती प्रदेशबाट प्रतिनिधित्व हुने राष्ट्रियसभा सदस्यको रिक्त पदमा कमरेड रामबहादुर थापा हाम्रो पार्टीका उम्मेदवार हुनुहुन्छ । उहाँ नेपालको कम्युनिष्ट आन्दोलनको एकजना वरिष्ठ नेता हुुनुहुन्छ । उहाँको विजयले कम्युनिष्ट आन्दोलनको भावनात्मक एकतामा समेत बल पु¥याउने छ । तसर्थ, यस निर्वाचनमा एकतावद्ध भएर आप्mनो पार्टीका उम्मेदवारलाई विजयी बनाउनु हुन आग्रह गर्दछु ।”
त्यसैगरी जेठ १७ गते लुम्बिनी प्रदेशबाट प्रतिनिधित्व हुने राष्ट्रियसभा सदस्यको रिक्त एक पदका लागि भइरहेको निर्वाचनमा एमालेका उम्मेद्वारको पक्षमा मतदान गर्न पनि उहाँले आग्रह गर्नुभएको छ । यसअघि पार्टीका तर्फबाट महासचिव ईश्वर पोखरेलले पनि पार्टीको तर्फबाट जनप्रतिनिधिहरुलाई निर्देशन जारी गरिसक्नुभएको छ ।
गत २०७७ फागुन २३ गते नेकपा ९एमाले० पुनःस्थापना भएपछि हुन गइरहेको यस निर्वाचनको विशेष महत्व रहेको अध्यक्ष ओलीले चर्चा गर्नुभएको छ । “यसले हाम्रो पार्टीको सामथ्र्य, एकता र अनुशासनलाई त स्थापित गर्ने नै छ । सँगसँगै २०७५ साल जेठ ३ गते एकीकरण भएको, तर कतिपय नेताका अवसरवादी एवं विभाजनकारी व्यवहारका कारण भङ्ग नेकपाको बिरासत पनि यसै पार्टीले बोक्छ र यो नै वामपन्थी तथा लोकतान्त्रिक आन्दोलनको मूलप्रवाह हो भन्ने पुष्टि पनि गर्ने छ” प्रधानमन्त्रीले अपिलमा उल्लेख गर्नुभएको छ ।
“प्रत्येक चुनौतीपूर्ण घडीमा हामीले आफूलाई उम्मेद्वार बनाउने पार्टीको निर्देशनलाई पालना गर्नु, आफूलाई जिताउन अहोरात्र खट्ने कार्यकर्ताको भावनालाई सम्मान गर्नु र जनतामाझ आफूले गरेका वाचाहरुप्रति हमेशा वफादार रहनु हामी सबैको कर्तव्य हो” अपिलमा उहाँले भन्नुभएको छ ।
एमालेभित्र केही आन्तरिक विवाद देखिए पनि अहिले पार्टीभित्र देखा परेका समस्याको समाधान गरी पार्टीलाई एकताबद्ध बनाउनका लागि कार्यदल बनेर काम समेत सुरु भइसकेको छ । प्रधानमन्त्रीले अपिलमा भन्नुभएको छ, “पार्टीको आधिकारिक उम्मेदवारविरुद्ध उम्मेदवारी दिनु, लाखौं जनताको हृदयमा रहेको निर्वाचन चिन्हलाई अवमूल्यन गर्नु र पार्टी निर्णयको विपक्षमा उभिएर मत खसाउनेजस्ता विषय हाम्रोजस्तो पार्टीमा त कल्पना बाहिरको कुरा हो । यस्ता प्रवृत्ति बहुदलीय शासन प्रणाली अवलम्बन गर्ने कुनै पनि पार्टीका लागि समेत स्वीकार्य या क्षम्य हुनै सक्दैनन् ।”