काठमडौं, जेठ १८ गते । विवेकशील साझा पार्टीका नेता उज्ज्वल थापाको निधन भएको छ ।
लामो समयदेखि कोरोना सक्रंमणबाट विरामी भई मेडसिटी अस्पतालमा उपचाररत रहनु भएका थापाको निधन भएकाे मेडसिटी अस्पतालका सञ्चार अधिकृत मोनिता पोखरेले बताउनुभयो । उहाँले उहाँको ४ः२५ मिनेटमा निधन भएको थियाे ।
कोरोना संक्रमित थापाको मेडिसिटी अस्पतालमा उपचार भइरहेको थियो । भेन्टिलेटरमा राखेर इक्मो प्रविधिबाट उपचार भइरहे पनि स्वास्थ्यमा सुधार आउन सकेको थिएन । थापा ४४ वर्षका थिए । दुई साताअघि कोरोना संक्रमित बनेका थापाको यसअघि ग्राण्डी अस्पतालमा उपचार भएको थियो ।
तर, भेन्टिलेटरमा राख्दा पनि अक्सिजन लिन कठिनाइ भएपछि इक्मो प्रविधिका लागि मेडिसिटीमा सारिएको थियो । सोमबार गरिएको पीसीआर परिक्षणमा नेगेटिभ रिपोर्ट आए पनि थापाको स्वास्थ्य सुधार हुन सकेन ।
उनको छातिमा संक्रमण अत्यधिक फैलिएको थियो । थापाकोे स्वास्थ्यलाभका लागि सिंगै देशले प्रार्थना गरेको थियो । जनताले स्वतस्र्फुतरुपमा आर्थिक सहयोग पनि गरेका थिए । तर, धेरै युवाहरुका प्रिय नेतालाई कोरोनाले चुँडेको छ ।