पोखरा, भदौ ३ गते । गण्डकी प्रदेश खेलकुद परिषद नवनियुक्त उपाध्यक्ष ध्वजकुमार कुमार गुरुङ लाई नियूक्ति पत्र प्रदान, बधाई तथा शुभकामना ज्ञापन गरिएको छ । गण्डकी प्रदेशका युवा तथा खेलकुदमन्त्री राजीब गुरुङको उपस्थितिमा ध्वजलाई उपाध्यक्षमा नियूक्त भएको पत्र प्रदान गरिएको हो ।
प्रदेश सरकारले गत साउन २५ गते गुरुङलाई उपाध्यक्षमा नियुक्त गरेको थियो । उपाध्यक्ष गुरुङ कास्की जिल्ला बास्केटबल संघका अध्यक्ष समेत रहेका छन । नेपाल राष्ट्रिय ह्याण्डबल टोलीका सदस्य समेत रहेका ध्वजले पश्चिमाञ्चलको ह्याण्डबल टोलीका कप्तानी समेत सम्हालेका थिए । उनकै कप्तानीमा पाँचौ राष्ट्रिय खेलकूदमा पश्चिमाञ्चलबाट पुरुषतर्फ स्वर्ण पदक समेत जितेको थियो ।
कायक्रममा यूवा तथा खेलकुद मन्त्रालयका सचिव विनोद बहादुर कुँवरले नवनियुक्त उपाध्यक्ष गुरुङलाई बधाई तथा सफल कार्यकालको शुभकामना व्यक्त गर्दै सवै संग समन्वय गरेर अगाडी बढन सुझाब दिनुभयो । सबैसंगको सहकार्यले मात्रै खेलकुदको विकास सम्भव हुने बताउनुभयो
।
प्रदेश खेलकुद परिषदका सदस्य सचिव तेजबहादुर गुरुङले मिलनसार ब्यत्ति उपाध्यक्षका रुपमा पाउदा खुसी लागेको बताए । यूवा तथा खेलकुद मन्त्रालयका महशाखा प्रमुख तेज प्रसाद काफ्लेले कार्यक्रम सञ्चालन गरेका थिए ।