पोखरा, फागुन २६ गते । कास्कीको माछापुच्छे गाँउपालिकामा बृहत पातिखोला महोत्सव तथा सांस्कृतिक कार्यक्रम २०७८ मा पालिका स्तरीय भलिबल प्रतियोगिता आयोजना हुने भएको छ । महोत्सवको आकर्षणको रुपमा भलिबल, छेलो, रस्साकस्सी र रत्यौली गीत प्रतियोगिता आयोजना गरिएको महोत्सवको प्रतियोगिता संयोेजक यामबहादुर गुरुङले जानकारी दिनुभयो ।
भलिबल प्रतियोगिताको विजेताले नगद १ लाख ११ हजार १ सय ११ रुपैयाँ, उपविजेताले ५५ हजार ५ सय ५५ रुपैयाँ सहित शिल्ड, मेडल र प्रमाणत्र प्राप्त गर्ने संयोजक गुरुङले बताउनुभयो । प्रतियोगितामा उत्कृष्ट खेलाडीले नगद १० हजार, वेष्ट स्पाइकर, ब्लकर, सेटर, डिफेन्स र सर्भरले जनहि पाँच पाँच हजार प्राप्त गर्ने छन् ।
त्यस्तै छेलो प्रतियोगिताको विजेताले ११ हजार १ सय ११ रुपैयाँ उपविजेताले ६ हजार ६ सय ६६ रुपैयाँ प्राप्त गर्ने छ । यता रस्साकस्सीको विजेताले २२ हजार २ सय २२ र उपविजेताले ११ हजार १ सय ११ रुपैयाँ प्राप्त गर्ने छन् भने रत्यौली प्रतियोगिताको विजेताले १० हजार, उपविजेताले ७ हजार, तृतियले ४ हजार र सान्त्वनाले २० हजार रुपैयाँ प्राप्त गर्ने संयोजक गुरुङले जानकारी दिनुभयो ।