काठमाडौं । नेकपा एमाले र जनता समाजवादी पार्टीबीच चुनावी तालमेलको तयारी भइरहेको छ ।
गएराति एमालेका एक नेताको घरमा दुई पार्टीका शीर्ष नेताहरुबीच वार्ता भएको थियो । स्रोतले दिएको जानकारीअनुसार एमाले जसपालाई २५ सिट दिन तयार भएको छ ।
तर यस विषयमा शीर्ष तहमा फेरि छलफल गरेर टुंगोमा पुग्ने तयारी भइरहेको एक नेताले जानकारी दिए ।
एमालेका अध्यक्ष केपी शर्मा ओली र जसपाका अध्यक्ष उपेन्द्र यादवबीच फेरि छलफल गरेर हस्ताक्षरको तयारी भएको एक एमाले नेताले जानकारी दिए ।
उनका अनुसार शीर्ष तहमा छलफलपछि हस्ताक्षरको तयारी छ । जसपा सत्तारुढ गठबन्धनमा सामेल छ । जसपाका अध्यक्ष उपेन्द्र यादव भने बिहीबार बालुवाटारमा बसेको गठबन्धनको बैठकमा अनुपस्थित रहेको एक नेताले जानकारी दिए ।