पोखरा ।गण्डकी प्रदेश सरकार विस्तार भएकाे छ।मुख्यमन्त्री खगराज अधिकारीले मन्त्रीहरुको टुंगो लगाएसंगै मन्त्रीपरिषद्ले पूर्णता पाएकाे छ।
हिजाे मन्त्रालयकाे संख्या टुंग्याएर काठमाडौंमा गएका मुख्यमन्त्री अधिकारीले नेकपा एमाले अध्यक्ष केपी शर्मा ओली र आज बिहान प्रधानमन्त्री पुष्पकमल दाहाल प्रचण्डलाई भेटेर फर्किएपछि मन्त्रिपरिषद विस्तार गरेका हुन ।
आज एमालेबाट नवलपुरका राेसन गाहा मगर र बेदबहादुर गुरुङ, माओवादीकै रेशम जुग्जालीले मन्त्रीका रुपमा सपथ लिए ।
यता नेकपा माओवादीका हरिबहादुर चुमानले भाैतिक पूर्वाधार र राप्रपाका पञ्चराम गुरुङ सामाजिक विकास मन्त्रालय पाएका छन । माओवादीकै रेशम जुग्जालीले उद्योग, पर्यटन तथा वातावरण मन्त्रालय पाएका छन ।
एमालेका रोशन गाहा थापा आन्तरिक मामिला तथा कानुन , सीता सुन्दास अर्थमन्त्री, राप्रपाका पञ्चराम गुङले सामाजिक तथा स्वास्थ्य मन्त्रालय पाएका छन ।
एमालेका बेदबहादुर गुरुङले कृषि तथा जलस्रोत मन्त्रालयको जिम्मा पाए । नवनियुक्त मन्त्रीले आजै पद तथा गाेपनियताकाे सपथ लिएका छन । प्रदेश प्रमुख पृथ्वीमान गुरुङकाे निवासमा मुख्यमन्त्री खगराज अधिकारीकाे उपस्थितिमा नवनियुक्त मन्त्रीहरुले सपथ लिए ।