पाेखरा, माघ १३ गते ।माेफसलकाे बहुप्रतिष्ठित राष्ट्रिय तथा अन्तर्राष्ट्रिय अन्तर क्लब आमन्त्रित आहा रारा गाेल्ड कप फुटबल प्रतियाेगिताकाे २४ आै संस्करण २०८१ माघ २२ गतेबाट संचालन हुने भएकाे छ ।
आयाेजक सहारा क्लबले आज पत्रकार सम्मेलन गरेर प्रतियाेगिता गर्न लागेकाे जनाएको हाे ।पाेखरा रंगशालाकाे फुटबल मैदानमा फागुन ३ गतेसम्म संचालन हुने प्रतियाेगितामा विदेशी टिम, ए डिभिजनका क्लबहरु, माेसफलका टिम र आयाेजक सहारा क्लबले प्रतिस्पर्धा गर्ने सहारा क्लब पाेखराका अध्यक्ष केशवराज बरालले जानकारी दिनुभयाे ।
हालसम्म त्रिभुवन आर्मी फुटबल क्लब, मछिन्द क्लब, चर्च ब्वाइज युनाइटेड क्लब, नेपाल पुलिस क्लब, बिगेड ब्वाइज क्लब, सहारा क्लब, थ्री स्टार क्लब, एनआरटी क्लब, संकटा क्लब, एपीएफ फुटबल क्लब र सक्किमकाे टाेलीले सहभागीता जनाउने पक्का भएकाे अध्यक्ष बरालले बताउनुभयाे ।
प्रतियाेगिताकाे विजेता टिमले १२ लाख १ हजार र उपविजेताले ६ लाख १ हजार नगद प्राप्त गर्ने छन् । आत्मासाक्षी रााखि मन, वचन र कर्मले सामाजिक सेवा गराैं भन्ने उदेश्य सहित २०५५ सालमा स्थापित सहारा क्लबले खेलकुदकाे विकासमा सहकार्य गराैं, पाेखरालाई खेलकुद पर्यटन शहरकाे रुपमा स्थापित गराैं भन्ने नारा सहित प्रतियाेगिता संचालन गर्दै आएकाे छ ।
प्रतियाेगितामा १ कराेड ५१ लाख आम्दानी हुने र १ करोड ४२ लाख २० हजार रुपैया खर्च भै ८ लाख ८० हजार बचत हुने अनुमान गरिएको क्लबका महासचिव रामजी प्रसाद अधिकारीले जानकारी दिनुभयो ।