पाेखरा, माघ १६ गते ।आठौं विरेन स्मृति १८ औं बिटी कप सेभेन ए साइड खुल्ला फुटबल प्रतियाेगिता माघ २२ गतेदेखि सुरु हुने भएकाे छ ।
आयाेजक बुद्वटाेल युवा क्लबले आज पत्रकार सम्मेलन गरेर प्रतियाेगिता बारे जानकारी दिएकाे हाे । प्रतियाेगिता पाेखराकाे पुरानाे टुंडिखेल मैदानमा आयाेजना हुने र ६० टिमले सहभागीता जनाउने क्लबका अध्यक्ष अशिम थापाले बताउनुभयाे ।
प्रतियाेगितामा विजेताले नगद १ लाख ८१ हजार १११ रुपैयाँ र उपविजेताले १ लाख ११ हजार १११ रुपैयाँ, शिल्ड, प्रमाणपत्र र मेडल प्राप्त गर्ने छन । प्रतियाेगितामा सर्वाेत्कृष्ट खेलाडी, उत्कृष्ट गाेलरक्षक, डिफेण्डर, मिडफिल्डर र सर्वाधिक गाेलकर्तालाई जनही ७ हजार रुपैयाँ सहित पुरस्कृत गरिने अध्यक्ष अशिम थापाले जानकारी दिनुभयाे ।
पोखरा महानगरपालिका वडा नं.१ बगरस्थित पुरानोटुडिखेलमा वि स २०७० सालमा स्थापना भएको यस क्लबले सामाजिक तथा खेलकुदको क्षेत्रमा विभिन्न कार्यक्रमहरु आयोजना गर्दै आएको छ ।
युवाहरुमा सामाजिक उत्तरदायित्व जागृत गर्ने उद्देश्यले स्थापनाकालदेखि नै विभिन्न सामाजिक कार्यसंगै फुटबल प्रतियोगिता आयोजना गर्दै आएकाे क्लबले जनाएको छ ।
सेवाभाव राखेर स्थापना भएकाे क्लबले खेलकुद क्षेत्रलाई प्रर्वद्धन गर्ने लक्ष्यका साथ आयोजना गर्न लागिएको बताइएको छ ।