पोखरा, चैत २० गते । वरिष्ठ लोक दोहोरी गायक पुरुषोत्तम न्यौपानेको सांगीतिक साँझ २०८१ तयारी अन्तिम चरणमा पुगेको छ ।
यही चैत २२ गते पोखरा सभागृहमा हुने साँझको तयारी अन्तिम चरणमा पुगेको आयोजक राष्टिय लोक तथा दोहोरीगीत प्रतिष्ठान नेपालले जानकारी दिएको छ । आज पोखारमा पत्रकार सम्मेलनको आयोजना गरि न्यौपानेले कार्यक्रममा १८ वटा आफना चर्चित गीतहरु गाउने लोक तथा दोहोरीगीत प्रतिष्ठान नेपालका अध्यक्ष रिता थापाले जानकारी दिनुभयो ।
प्रतिष्ठानले अग्रज कलाकारहरुको सम्मान, लोककला र संस्कृृतिको संरक्षण गर्ने उद्देश्यका साथ नेपाली लोकदोहोरी क्षेत्रका जाज्वल्यमान नक्षत्र, संस्थाका पूर्व केन्द्रीय अध्यक्ष एवं संरक्षक वरिष्ठ गायक तथा सर्जक न्यौपानेको सांगीिितक साँझ गर्नृ लागेको र तयारी अन्तिम चरणमा पुगेको अध्यक्ष थापाले बताउनुभयो ।
न्यौपानेले झिलझिल सितारा, ऐना हेरेर, फुलको बासना, श्रीखण्ड चन्दन, मिर्मिमुनी काली थुनेको,रुन्छ नि मन किन रुदैन, डाँडैमा पिपल सारेर, सररर पानी घटटामा, घाम जस्तो चम्किलो जुन हुदैन्, एउटा बाचा गर्छु, या मन किन रुन्थ्यो, आज मुग्लिन झरौँ, मोहनी तिम्रो बोलीमा, मायाले मार्यो, बेलटारीमै फूलमै रानी, ढुुंगेधारामा, मलेवा सरर, देउरालीमा धजा, पूवैमा झयाल राखे, कमलफूल लगायतका आफना बहुचर्चित गीत गाउने बताइएको छ । न्यौपानेका गीतले पोखराका गुञ्जयमान हुने छ । उहाँले गाएका गीत सदाबहादर छन् । लोक दोहोरी पारखीहरुलाई न्यौपानेले मन्त्र मुग्ध बनाउदै पोखरा सभागृहलाई सांगीतिकमय बनाउने विश्वास गरिएको छ ।
चैत २२ गते दिउँसो ३ बजेबाट पोखरा सभागृह हलमा सुरु हुने कार्यक्रमलाई लिएर गायक न्यौपाने मात्रै हैन आयोजक र लोक दोेहोरी पारखीहरु समेत उत्साहित छन् । लोक दोहोरी गायक न्यौपानेको यो क्षेत्रमा स्थापित हुन गरेको संघर्ष लामो रहेको छ । २०२९ साल भदौ २५ गते स्याङ्जा जिल्लाको तत्कालीन श्रीकृष्ण गण्डकी गाविस वडानं ३ बलाम बेलटारीमा न्यौपानेको जन्म भएको हो । उहाँको बाल्यकाल गाउँमानै बितेको थियो । गाउँमा रहँदा पढ्ने, घाँस काट्ने, गाई बाख्रा हेर्ने उहाँको दैनिकी थियो । स्कुल पढ्दा स्कुलमा हुने कार्यक्रम, रेडक्रस दिवस र चारपाते क्लब लगायतकाले गर्ने कार्यक्रममा उहाँले भाग लिने गरेको अभुवन पत्रकार सम्मेलनमा सुनाउनुभयो । आफुले विद्यालयमा इतिहासका घटनाहरुलाई गीतमा प्रस्तुत गर्ने गरेको र विद्यालयका शिक्षकहरुले दिएको हौसला कारण आफु दाोहोरी गीतमा लागेको बताउनुभयो
एस एलसि उत्रिर्ण भएपश्चात संघीय राधानी काठमाडौँ पुगेको र अध्ययनको सिलसिलामा आर.आर क्याम्पसमा भर्ना भएपछि संगीत क्षेत्रमा लागेको बताउनुभयो । गीत सङ्गीत क्षेत्रको रुचिका कारण यस क्षेत्रमा सफल भएको बताउद्ै काठमाडौँ बसाइँका क्रममा २०४६ सालमा रेडियो नेपालमा स्वर परीक्षा दिएको र परीक्षामा उत्रिर्ण हुन सफल हुनुभएको थियो । त्यही वर्ष ‘बलाम देवी थान’ बोलको गीत रेकर्ड गरी नेपाली साँगीतिक फाँटमा औपचारिक रुपमा प्रवेश गर्नुभएको थियो । उक्त गीत रेडियो नेपालमा बज्यो । उक्त एल्बम २०५३ सालमा म्युजिक नेपालले बजारमा ल्याएको थियो ।
२०५४ मा ‘ऐना हेरेर’ र २०५५ मा ‘निलो पछ्रयौरी’ एल्बम म्युजिक नेपालबाट निकाली लगातार तीनवर्ष म्युजिक नेपाल अर्वाड समेत उहाँले प्राप्त गर्नुयभो । उहाँको यस अघि पोखरा र काडमाडौमा एकल साँझ भएको छ भने यो तेश्रो हो ।