पोखरा, साउन १४ गते ।पोखरामा सोमबार बिहान स्कुल बस दुर्घटना हुँदा २९ विद्यार्थी घाइते भएका छन् । पोखरा महानगरपालिका–२१ फुस्रेखोलाको घुम्तीमा रामदीबाट बिरौटा फर्कने क्रममा एलपी देवकोटा मेमोरियल इङ्लिस स्कुलको बस दुर्घटना भएको हो ।
बसमा चालक, सहचालक र २२ विद्यार्थीसहित २४ जना सवार थिए । घाइतेहरुलाई उद्धार गरेर गण्डकी मेडिकल कलेज, गण्डकी अस्पताल र मणिपाल शिक्षण अस्पतालमा उपचार जारी छ ।
ग१क ६३१९ नम्बरको बस सडकबाट झन्डै ६० मिटर तल खसेको प्रहरी जनाएको छ । बसमा सवार केही विद्यार्थीको अवस्था गम्भीर रहेको प्रहरीले जनाएको छ ।