पोखरा, माघ २७ गते । गण्डकी प्रदेशका मुख्यमन्त्री पृथ्वीसुब्बा गुरुङले पोखरालाई खेलकुदको राजधानी बनाउने गरी प्रदेश सरकार अगाडी बढेको बताउनु भएको छ । पोखरा पर्यटनको मात्रै हैन खेलकुदको पनि राजधानी बनाउन लागेका छौ उहाँले भन्नुभयो, ‘सफल हुने नहुने त्यो भविष्यले देखाउला तर हामीले खेलकुदको विकासका लागि योजना बनाएका छौ ।’
पोखरा रंगशालामा मंगलबारदेखि सुरु टाइगर कप आमन्त्रित राष्ट्रिय क्लब च्याम्पियसिप भलिबल प्रतियोगिताको उद्घाटन कार्यक्रममा बोल्दै मुख्यमन्त्री गुरुङले भन्नुभयो, ‘पोखरामा सहासिक खेलको हव समेत हो । त्यसैले प्रदेश सरकारले दिर्घकालिन योजना बनाएर अगाडी बढेको छ ।’ उहाँले गण्डकी प्रदेश खेलकुद परिषद् बनाएर अगाडी बढाउने प्रयास गरिरहेको बताउदै खेलकुदमा गण्डकी प्रदेश अब्बल हुने बताउनुभयो ।
उहाँले खेलकुदले अनुसासित, स्वास्थ नागरिक उत्पादनमा भुमिका खेल्ने बताउदै गण्डकी प्रदेश सरकारले भौतिक पूर्वाधार निर्माणका लागि जग्गाको खोजी गरिरहेको बताउनुभयो । खेलाडी उत्पादनका लागि भौतिक पूर्वाधार आवश्यक हुन्छ उहाँले भन्नुभयोे, ‘बहुआयामिक अन्तराष्ट्रिस्तरको रगशाला बनाउन जग्गाको खोजी भैरहेको छ ।’ उहाँले खेलकुद क्षेत्रको विकासका लागि योजना बनाएर अगाडी बढेको बताउदै आगामी बजेटमा खेल क्षेत्रलाई पयाप्त विनियोजन गर्ने बताउनुभयो । ‘गुनासो गर्ने ठाँउ नराख्ने गरी आगामी बजेटमा खेलकुदलाई प्राथमिकतामा राखेर बजेट विनियोजन गछौ ।’
भलिबल संघका केन्द्रीय अध्यक्ष मनोरञ्जनरमण शर्माले सरकारले भलिबललाई राष्ट्रिय खेल घोषणा गरेपनि कालो चश्माले हेरेको बताउनुभयो । राष्ट्रिय खेलकुद परिषदका सदस्य राजेश गुरुङ, टाइगर ग्रुपका अध्यक्ष नारायणप्रसाद शर्मा, सचिव प्रकाश बराल लगायतले भलिबल खेलको बारेमा चर्चा गर्नुभएको थियो ।