पोखरा, चैत ७ गते । नेकपा एमाले संसदीय दलको विधान पारित भएको छ । शनिबार बसेको पार्टीको संसदीय दलको बैठकले संसदीय दलको बिधान (२०७२) लाई महत्वपूर्ण सुझाव सहित पारित गरेको छ ।
त्यस्तै आजै बस्ने पार्टीको केन्द्रीय कमिटीको बाह्रौं पूर्ण बैठकले बिधानलाई अनुमोदन गर्ने भएको छ । पार्टी केन्द्रीय कमिटीको बैठकले अनुमोदन गरेपछि उक्त बिधान आजैबाट लागू हुनेछ।
बिधानका मुख्य विशेषताहरु यसप्रकार रहेका छन–
– अब उप्रान्त नेकपा (एमाले) सम्सदीय दलको नेता प्रतिनिधिसभाका सदस्यहरुले मात्र निर्वाचित गर्नेछन्।
– दलको उपनेता, मुख्य /प्रमुख सचेतक ,सचेतक, राष्ट्रियसभामा दलको नेता र सचेतक सम्सदीय दलको नेताले मनोनीत गर्नेछ ।
– संसदीय दलकाे बोर्ड अत्यन्तै समाबेसी बनाइनेछ भने त्यसमा कम्तिमा एकतिहाइ महिला अनिवार्य गरिनेछ ।
– संसदीय दलको बोर्डको सचिवको काम मुख्य/ प्रमुख सचेतकले गर्नेछन् ।