तीज सुरु, आज दर खाएर मनाइँदै

पहिले हरितालिका तीजको अघिल्लो दिन एक दिनमात्र दरखाने परम्परा रहेको थियो भने पछिल्लो समय एक महिना अघिदेखि नै दर खाने प्रचलन सुरु भएको छ ।हरितालिका तीजका बेला पानीसमेत नखाई ब्रत बस्ने र धेरै नाचगान गरिने हुनाले शक्ति आवश्यक हुने गर्दछ । त्यसैले दर खाने चलन बसेको बताइन्छ ।

परापूर्वकालमा देवी पार्वतीले शीवलाई पतिको रुपमा पाउन निराहार ब्रत बसेको र कामना पूरा भएको विश्वासका आधारमा राम्रो पति पाउन र विवाहिताहरुले पतिको सुस्वास्थ्य, दीर्घायु र प्रगतिको कामना गर्दै भोलि ब्रत बस्ने चलन रहेको छ ।

चिकित्सक र स्वास्थ्यकर्मीले भने आफ्नो स्वास्थ्यको ख्याल गरेर मात्र ब्रत वस्न अनुरोध गर्छन् । निरहार व्रत वस्ता स्वास्थ्यमा गम्भीर समस्या आउनसक्ने उनीहरुको भनाइ रहने गरेको छ ।