पोखरा, असार २४ गते ।कास्की प्रहरीले युरोकपमा सट्टेबाजी खेलाएको अरोपमा पोखराबाट एक जनालाई पक्राउ गरेको छ । पक्राउ पर्नेमा पोखरा महानगरपालिका वडा नम्वर २७ तालचोकका १८ वषिय सुलभ सुवेदी रहेको प्रहरीले जनाएको छ । पोखरा महानगरपालिका वडा नं ६ लेकसाईडबाट पक्राउ गरेको हो ।
युरोप र दक्षिण अमेरिकामा भईरहेको युरोकप २०२० र कोपा अमेरिकाको फुटवल खेलमा सट्टेवाजी भईरहेको भन्ने गोप्य सुचनाको आधारमा कास्की प्रहरी कार्यालय कास्कीबाट खटिएको प्रहरी टोलीले अनलाईन (भाईबर, ह्वाट्सएप) मार्फत सट्टेवाजी गराईरहेको अवस्थामा पक्राउ गरेको जनाएको छ ।
पक्राउ गरी सार्वजनिक हित स्वास्थ्य सुरक्षा सुविधा र नैतिकता बिरुद्धको कसुर अन्तरगत सट्टेवाजी गर्न नहुने मुद्धामा अनुसन्धान प्रकृया अगाडी बढाईएको र घटनामा संलग्न अन्य व्यक्तिको खोजतलास भईरहेको कास्की प्रहरीले जनाएको छ ।