पोखरा, असोज २२ गते । पोखरा महानगरपालिका वडा नम्वर ५ को आयोजनामा दोश्रो वडास्तरीय ब्याडमिन्टन प्रतियोगिता सुरु भएको छ । प्रतियोगिताको गण्डकी प्रदेश सभा सदस्य राजीव पहारीले उद्घाटन गर्नुभयो । उहाँले प्रतियोगिताले नयाँ खेलाडी उत्पादनमा भुमिका खेल्ने विचार ब्यक्त गर्नुभयो ।
वडा अध्यक्ष धनबहादुर नेपालीले मालेपाटन खेल क्षेत्रको परिचय गराउदै खेलाडीलाई प्रोत्साहन र आकर्षण गराउन प्रतियोगिता आयोजना गरिएको बताउनुभयो । कार्यक्रममा स्वागत सूर्य विकास समाजका अध्यक्ष कृष्णप्रसाद बराल, वडा नम्वर ७ का अध्यक्ष रामचन्द्र बराल लगायतले बोल्नुभएको थियो ।यसैवीच शुक्रबार भएको खेलमा द्रोण बराल र दिपक लामिछाने, उज्जवल बस्नेत र सृजना बराल विजयी हुनुभयो ।
द्रोण बरालले विष्णु गौतम र दिपक लामिछानेले शारदा सुवेदीलाई पराजित गर्नुभएको हो । त्यस्तै उज्जवल बस्नेतले विनय बराललाई र सृजन बरालले शुशोभन बराललाई पराजित गर्नुभएको हो ।प्रतियोगिता शनिबारसम्म सञ्चालन हुने वडा सदस्य अञ्जु क्षेत्रीले जानकारी दिनुभयो ।