पोखरा, फागुन २३ गते । पोखरा महानगरपालिकाले आज सोमबार शोक विदा घोषणा गरेको छ । तत्कालिन पोखरा नगर पञ्चायतका पूर्व प्रधानपञ्च गणेश शेरचनको निधनमा महानगरपालिकाले शोक विदा दिएको हो ।
महानगरका प्रवत्ता धनबहादुर नेपालीले आइतरबा शोक विज्ञप्ति जारी गदै प्रर्व प्रधानपञ्च शेरचनको निधनले दुखी भएको जनाउदै सोमबार विदा दिने निर्णय गरेको उल्लेख गर्नुभएको छ । इमान्दार र विकासप्रेमी शेरचनको निधनले पोखरालाई अपुरणीय क्षति पुगेको उल्लेख गदै २०३२ देखि २०३८ सालसम्म पोखरा नगर पञ्चायतको प्रधानपञ्च भएर उहाँले पुर्याएको योगदानलाई पोखरेलीले सम्झिरहने विज्ञप्तिमा उल्लेख छ ।
महानगरले दुखद घडीमा हार्दिक श्रद्धाञ्जली सहित उहाँको आत्माको चिरशान्तिको काम गदै शोक सन्तप्त परिवारजनमा हार्दिक समवेदना प्रकट गरेकोछ । महानगरपालिकाले उहाँको निधनमा सोमबार महानगर कार्यालय र अन्र्तगतका कार्यालयहरु बन्द रहने जनाएको छ ।