पाेखरा,कार्तिक १६ गते।झापा महिला गाेल्ड नेपालकै सर्वाधिक राशिको महिला फुटबल प्रतियोगिता ‘एलभिडी प्रथम झापा महिला गोल्डकप–२०८२’ मा उपाधिको बलियो दाबेदारी प्रस्तुत गर्न आरएस पोखरा फुटबल क्लबले झापामा सघन तयारी गरिरहेको छ। प्रतियोगिताका लागि समयमै झापा आइपुगेको पोखराको महिला टिमले झापाको दमक मा करिब १० दिनदेखि ‘क्लोज क्याम्प’ (बन्द प्रशिक्षण) गरिरहेको छ।
प्रतिकूल मौसमका कारण कात्तिक १७ गते, सोमबारबाट शिवसताक्षीस्थित दुधे रङ्गशालामा सुरु हुने गोल्डकपका लागि आरएस पोखराको यो तयारीलाई निकै अर्थपूर्ण रूपमा हेरिएको छ।
RS Pokhara Football Club आरएस पोखराले गोल्डकपको आफ्नो पहिलो खेलमा नै विभागीय टिम त्रिभुवन आर्मी फुटबल क्लबसँग कात्तिक २० गते भिड्नेछ। त्यसैले, टोलीले प्रतिस्पर्धा सुरु हुनुअघि नै दमकको हावापानीमा अभ्यस्त हुने र रणनीतिक तयारीलाई अन्तिम रूप दिने लक्ष्यका साथ क्लोज क्याम्पको आयोजना गरेको हो।
प्रशिक्षणको प्रकृति र लक्ष्य:
क्लोज क्याम्पमा खेलाडीहरूको शारीरिक तन्दुरुस्ती (Fitness) र टिमभित्रको समन्वय (Coordination) मा विशेष जोड दिइएको छ।
* शारीरिक तन्दुरुस्ती: गोल्डकप नकआउट फर्म्याटमा हुने हुँदा खेलाडीहरूलाई लगातारको प्रतिस्पर्धाका लागि मानसिक र शारीरिक रूपमा तयार पारिएको छ।
* रणनीतिक तालिम: विशेषगरी बलियो आर्मी टिमको खेल शैलीलाई मध्यनजर गर्दै टोलीले रक्षात्मक र आक्रामक दुवै रणनीतिमा केन्द्रित रहेर अभ्यास गरिरहेको छ।
आरएस पोखराको यो सघन तयारीले टोलीको आत्मविश्वास बढाउने र गोल्डकपको उपाधि यात्रामा उनीहरूको दाबीलाई अझ बलियो बनाउने विश्वास गरिएको छ।
प्रतियोगितामा सहभागी टोलीहरू:
यो अन्तर्राष्ट्रिय आमन्त्रण नकआउट फुटबल प्रतियोगितामा आर एस पोखरा नेपालका ३ बिभागिय टिम संकटा, चर्च ब्याइज,झापा एफ सि र भारतको १ टिम सहित जम्मा उत्कृष्ट ८ महिला टोलीहरु सहभागी छन्: आर एस पोखरा बाट प्रशिक्षक सुमन श्रेष्ठ र एकराम थापा म्यानेजर प्रज्वल पौडेल रहेका छन। प्रशिक्षहरुले उच्च मनोबलका साथमा प्रशिक्षण गराइरहेका छन भने ब्यबस्थापन कुशलता साथ भइरहेको जानकारी आयको छ भने खेलाडी हरु उच्च मनोबल र अनुशासित तबरबाट प्रशिक्षणमा अभ्यस्त रहेको बुझिन्छ।