पाेखरा ।नेपाली मौलिक संस्कृति, परम्परा र सिर्जनालाई गीत–संगीतमार्फत उजागर गर्दै आएको तीज गीतले पुरस्कार जितेपछि परिवारमा खुसी छाएको छ।
आमाले तीज गीतमा पुरस्कार जितेको क्षणलाई परिवारले व्यक्तिगत सफलताभन्दा पनि नेपाली मौलिक संस्कृति, परम्परा र सिर्जनाको सम्मानका रूपमा लिएको छ। आफ्नै कथा, संस्कार र परम्परालाई गीत–संगीतमार्फत जीवन्त राख्दै नयाँ पुस्तासम्म पुर्याउने प्रयासले प्राप्त गरेको यो उपलब्धि गौरवको विषय भएको परिवारको भनाइ छ।
पुरस्कार प्राप्त गर्ने क्षणमा आमाको अनुहारमा देखिएको खुसी र भावुकता परिवारका लागि अविस्मरणीय बनेको छ। उनको यो सफलता नेपालदेखि विश्वसम्म नेपाली संस्कृति र मौलिक सिर्जनाको पहिचान पुर्याउने यात्राको एउटा महत्वपूर्ण खुड्किलोका रूपमा लिइएको छ।
यस सफलताका लागि साथ, माया, हौसला र प्रोत्साहन दिने सम्पूर्ण शुभेच्छुकप्रति परिवारले हृदयदेखि नै आभार व्यक्त गरेको छ। परिवारले भनेको छ, “यो केवल हाम्रो जित होइन, नेपाली मौलिक सिर्जना, संस्कृति र पहिचानको जित हो।”
नेपाली संस्कृति, परम्परा र मौलिक सिर्जनाले आगामी दिनमा अझ उचाइ चुम्दै विश्वमाझ नेपालको पहिचान स्थापित गर्न सकोस् भन्ने परिवारको अपेक्षा छ।