काठमाडौं, कात्तिक १५ गते । प्रमुख प्रतिपक्ष दल नेकपा एमालले आज चियापान कार्यक्रम आयोजना गरेको छ । एमाले केन्द्रीय कार्यालय च्यासलमा चियापान कार्यक्रम जारी छ ।
एमालेले बडादसैँको अवसर पारेर हरेक वर्ष चियापान कार्यक्रम आयोजना गर्दै आएको छ । चियापान कार्यक्रममा प्रधानमन्त्री पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवालगायत नेताहरू चियापनमा सहभागी भएका छन् ।
सो पार्टीको केन्द्रीय कार्यालय, च्यासल, ललितपुरमा जारी चियापानमा पुगेका प्रधानमन्त्री एवम् नेकपा माओवादी केन्द्रका अध्यक्ष प्रचण्ड र पूर्व प्रधानमन्त्री देउवालाई एमालेका अध्यक्ष ओलीलगायत नेताहरूले स्वागत गरे । कार्यक्रममा एमाले नेता कार्यकताको सहभागीता रहेको छ ।